Mádenıet jáne sport mınıstri Arystanbek Muhamedıuly shetelde júrgen qazaqstandyq ártister týraly pikir bildirdi, dep jazady Qamshy.kz aqparat agenttigi,Tengrinews.kz – ke silteme jasap.

«Dımash Qudaıbergenovpen úlken shoý jasaý úshin bizge úlken daıyndyq kerek. Onyń qazir juldyzy jarqyrap tur. Kann kınofestıvaline de qatysty. Qazirgi maqsatymyz ózge talanttarǵa jol ashý. Jalǵyz Dımash emes, bizde talantty ártister kóp», - dedi mınıstr jýrnalıserge.

Sonymen qatar mınıstr «sheteldik prodúserler Dımashtyń arqasynda qazaqstandyq ánshilerdi kóp izdeıdi. Olar Dımashtyń joly bolsa, basqa da talantty óner ıeleri bar dep esepteıdi. Belgili máskeýlik kompozıtorlar qazaqstandyq oryndaýshylarǵa án jazady, Jah Khalib-te shetelde óner kórsetip júr»,-dep pikir bildirdi.