2018 jyldyń basynan beri Qazaqstannan 6 846 adam qonys aýdarǵan, dep habarlaıdy Qamshy.kz aqparat agenttigi QR Ulttyq ekonomıka mınıstrliginiń statısıka komıtetine silteme jasap.

Qonys aýdarýshylardyń basym bóligi soltústik oblystardyń turǵyndary, esesine iri qalalardyń halqy ósip jatyr.

Komıettiń málimetine súıensek, qazaqstandyqtardyń kópshiligi Reseıge qonys aýdarǵan.  Germanıaǵa 500-ge tarta, AQSH-qa 60-tan astam azamat kóship ketken. 

"Eń úlken kóshi-qon Qostanaı, Shyǵys Qazaqstan jáne Qaraǵandy, sondaı-aq Pavlodar jáne Soltústik Qazaqstan oblystarynda tirkeldi. Qazaqstanǵa turaqty turýǵa keletin sheteldikter de az emes, olar, ádette, iri qalalardy tańdaıdy", — dedi komıtet sarapshysy Qaıyr Ryspaev "Astana" arnasyna bergen suhbatynda. 

Sonymen qatar, qala halqynyń sany, ásirese, megapolısterde ósip jatqany aıtylady. Máselen, Almatyǵa kóship kelgenderdiń sany qonys aýdarǵandardan 9 294 adamǵa kóp, qazrgi ýaqytta qala halqy 1 mıllıon 815 myń adamǵa jetken. Astanada bul kórsetkish — 3 370 adam.