Almaty qalasynda kók bazardyń ornyna jańa saýda ortalyǵyn salý josparlanýda. Aldymen súrý jumystary Maqataev kóshesinde ornalasqan terıtorıadan bastalady.

Bul týraly Sáýlet jáne qala qurylysy basqarmasy basshysynyń birinshi orynbasary Janat Aıtileý málimdedi. "

Kók bazar naryq sharttary kezinde jeke joba baıynsha salynǵan. Sol ýaqytta bazar ıeleri pavılıondar men shatyrlardy turǵyzǵan. Olardan qazir qutylý qajet. Sebebi, biz olarǵa da arhıtektýralyq akt jasadyq. Soǵan sáıkes, Maqataev kóshesi jaqtan kók bazardyń aldynda kelýshilerdiń kólikterine arnalyp kóp ıarýsty parkıng salynady. Jobaǵa sáıkes bazar terıtorıasynda ornalasqan saýda ortalyqty jetildire túsý qajet. Sonymen qatar, Maqataev pen Jibek Joly kóshelerine deıingi terıtorıany súrip tastaý kerek. Osyǵan deıin bul jer tótenshe jaǵdaı oryn alǵan jaǵdaıda arnaıy tehnıkalardyń júrýine arnalǵan jol bolatyn", - dedi Aıtileý.

Eske sala keteıik, Almatydaǵy "Baraholka" bazary da súrilip, ornyna saýda úıi men qonaq úıler salynǵaly jatyr.