Janar Duǵalovany halyqarlyq saıystarda elbasynyń tilegi shabyttandyrady.

Búgin Aqordada prezıdent Nursultan Nazarbaevpen "Kóktem shýaǵy" atty kezdesýi barysynda "Turkvizion-2014" halyqaralyq baıqaýynyń jeńimpazy, "túrki áleminiń altyn daýysy" ataǵynyń ıegeri Janar Duǵalova osylaı aıtty. "Sizben kezdesý kópshilik úshin arman, al men ómirimde ekinshi ret júzdesip otyrǵanyma maqtanamyn. Osydan 16 jyl buryn Estonıadan halyqaralyq saıysta bas júlde alyp kelgende Sizben kezdesý baqyty buıyrǵan. Ol kezde 12 jastaǵy jetkinshekpin. Meni jeńisimmen quttyqtap, ári qaraı da elimizge qyzmet etýdi tiledińiz. Sol bir aýyz sózińizdi ári aqyl, ári tilek, ári bata retinde qabyldadym. Sondyqtan bolar, halyqaralyq saıystarda baq synaǵan saıyn meni sol tilegińiz shabyttandyrady", - dedi Janar Duǵalova. Sondaı-aq, elbasy qamqorlyǵynyń arqasynda qazaq jastary talaı jeńiske jetetinin, Qazaqstannyń atyn álemge tanytatynyn atap ótti.