Qazaqstannyń halyq jazýshysy, «Túrkitildes halyqtar arasyndaǵy eń úzdik álem aqyny» syılyǵynyń ıegeri Muhtar Shahanov Pakıstan Islam Respýblıkasynyń astanasy Islamabad qalasynda ǵalamdyq dara parasat ıelerine beriletin «Islam áleminiń Ystanbul syılyǵymen» marapattaldy.

Marapattaý saltanaty TASAM-Túrik Azıa Strategıalyq Zertteý Ortalyǵynyń uıymdastyrýymen ótip jatqan «6-Islam álemi oıshyl uıymdary platformasynyń» halyqaralyq quryltaıy aıasynda memleket basshylary, senatoralar, sheteldik elshiler men dıplomatıalyq mısıa ókilderiniń qatysýymen ótti.

Halyqaralyq qaýymdastyqta ózindik joǵary bedeli bar TASAM basqarmasynyń arnaıy sheshimimen bıyldan bastap berilgen bul joǵarǵy tuńǵysh syılyqty shyǵarmalary álemniń 60-qa jýyq tilderine aýdarylǵan, 22 shetel ýnıversıtetteriniń, akademıalarynyń qurmetti akademıgi, ǵylym doktory, profesory, 20-dan astam shetel qalalarynyń  qurmetti azamaty, Nobel syılyǵynyń 100 jyldyq merekesine oraı berilgen Nobel altyn medaliniń, Kalıfornıa (AQSH) ǵylym Akademıasy taǵaıyndaǵan Halyqaralyq Albert Enshteın altyn medaliniń jáne 25-ke jýyq ártúrli syılyqtardyń ıegeri, Túrik álemi Zıalylar Odaǵynyń tóraǵasy Muhtar Shahanovqa ǵalamdyq dara parasat ıelerine beriletin «Islam áleminiń Ystanbul syılyǵyn» saltanatty jıynda Pakıstan Islam Respýblıkasynyń prezıdenti Mamnýn Hýseın tabys etti. Pakıstan Prezıdenti Muhtar Shahanovtyń búkil musylman ádebıetindegi erekshe dara tulǵa ekenin aıta kelip, aqyndy rýhanı jeńisimen quttyqtady.

Nurǵalı Júsipbaı