Elimizde lısenzıasy toqtatylǵan ýnıversıtet, ınstıtýt, akademıalardyń aty aqyry belgili boldy.

Bas prokýratýra resmı túrde jarıalaǵan "qara tizimge" 18 oqý orny ilikken. Lısenzıasy 2 aıdan 6-aıǵa deıin toqtatylǵandardyń arasynda Almaty qalasynyń 6, Ońtústik Qazaqstan oblysynyń 4, Astana 2, Almaty oblysy 1, Batys Qazaqstan 1 jáne Atyraý, Qaraǵandy, Qyzylordadaǵy oqý oryndary bar. Qara tizimge elordadaǵy "Astana" men "Turan" ýnıversıtetteri, Batys Qazaqstan ınjener gýmanıtarlyq ınstıtýty, "Qyzylorda oblysyndaǵy Qazaq-qytaı ınstıtýty men Qaraǵandydaǵy "Bolashaq" ýnıversıteti iligip otyr. Bul joǵarǵy oqý oryndary bilim berýden góri dıplom úlestirýdi jolǵa qoıǵan. Al ázirlegen mamandary shalasaýatty. Ustazdarynyń biliktiligi kúmán týdyrady, materıaldyq tehnıkalyq bazasy da syn kótermeıdi. Bilim mınıstrligi Bas prokýratýrmen birge lısenzıasynan aıyrǵan oqý oryndary kemshilikterin jarty jyl ishinde túzemese, kadr daıyndaýdan múldem alastatylmaq. Osy aralyqta stýdentter bilimin ázirshe jalǵastyra beredi.