Jıyndarda, saltanatta alqaly, Dýyldatyp otyratyn ortany. Erekeńniń estilmeıdi ór úni, Kórinbeıdi aqyn sol bir arqaly. Ol kelgende shýaqtanar qalyń top, Qushaqqa alar bóle-jarmaı bárin kep. Al, jigitter "jyrtyńdaıyq" dep kúlip, Qaltasynan sýyratyn "barym" dep. Sodan, sodan bastalatyn dý-dýman, Jigitterde qosylatyn "qyr-qyrdan". Erekeńe "shabýyldap" qoıatyn. Baldyzdary "arqa qozǵan, jyn býǵan". Qyzyq-qyzyq áńgime etip, joq- bardy, (Sonyń bári sanamyzda saqtaýly). Birde Erekeń qarap turyp bizderge, "Qojbanbettiń qyzdaryn-aı" dep qaldy. "Qojbanbettiń qyzdaryn-aı, qyzdary, Sekildi olar Jeltoqsannyń yzǵary. Bireýlerge qor boldy ǵoı", dep kúldi, "Nasharlaý" dep Aljan- ata uldary" "Qojbanbettiń qyzdarynda batyrlyq, Dúnıege qyzyqpaıtyn aqyl-nyq. Moabıttiń túrmesindeı qaharly, Musa Jalıldi jibergen jer aqyn-ǵyp. Qojbanbettiń qyzdaryn-aı "qor bolǵan", (Altyngúl me, alǵan jarym "sol mańnan"). Myna meni aqyn etken sol Ákpeń, Fashıserdiń qatal "zańyn" qoldanǵan. Ǵashyq etip, esimdi alǵan, esimdi, "Torǵa tústim" erkindigim kesildi. Tańǵa deıin sóndirmesten shamymdy, Óleń jazyp, qaıtaramyn óshimdi. Erkeleımin, erkinsımin, buldanam, Pana tutar sekildi ol izgi Anam. Qojbanbetteı tekti atamnyń urpaǵy ol, Ata-baba saltyn saqtap, buzbaǵan. Urpaq syılap uldar bergen, qyz maǵan, Ony keıde Kúnnen, Aıdan qyzǵanam. Muhıt asyp, jol túskende Kýbaǵa, Arýlaryn "Altynkúl" dep jyrlaǵam. Maqtanǵan jón, maqtaý kerek bul tusta, Jeńemin dep túspe olarmen "qyrqysqa". Qojbanbettiń qyzdaryn-aı "qor bolǵan", Qaı-qaıdaǵy bireýlerge "ıt-qusqa". ...Já, Ereke, sózderińiz qonymdy, Bizdiń qatyn... jalǵap júrmiz jolyńdy. Bajalardy "ıt pen qusqa" baladyń, Sen, óziń she... túsinbedik onyńdy... Dep olar da qorǵanýǵa shep qurdy, Erekeńdi súrindirdik dep turdy. "Sender bolsań "ıtisińder", baýyrlar, Bile-bilseń "men qusymyn" dep kúldi... Shynynda da qustaı ushqan er edi, Han-Táńirge boı sozatyn Óleńi. Janyńyzdy jadyratyp turatyn, Astary kóp, áziliniń tereńi. Shynynda da qusqa aınaldy sol aqyn, Qalamynan qaǵazǵa bal tamatyn. "Tulparynan túsip qalǵam" dep júrgen, Muqaǵalı dos-aǵasy bolatyn. Ushty -ketti máńgilikti betke alyp, Qala berdik janymyzdy shoq qaryp. Bireýlermen tanysqanda, Erkinniń, Sarbazymyz dep qoıamyz, maqtanyp. Ómir, ómir bara jatyr alǵa asyp, Kúnder -aıǵa, aıǵa -jyldar jalǵasyp. Erekeńniń bir-eki "ıti" áli de, Baldyzsynar balaǵyma jarmasyp. Ázildeıdi eteginen tartqylap, (Keıde men de ketip qalam "qattyraq"). "Ittigin de" baıqatady astarlap, Erekeńdeı bola almaıdy márt biraq. Ázilinde aramdyq joq, joq kúdik, Erekeńniń árbir sózi- Tektilik. ...Keıde aldymnan shyǵa keler sekildi, "Altyngúldiń sińilisi" dep kúlip... Serikjan QAJI, aqyn