23 naýryz. Qamshy.kz - Qazaqstanyq rejıser Ádilhan Erjanovtyń "Úı ıeleri" fılmi halyqaralyq "Kann" kınofestıvalinde "Arnaıy kórsetilim" seksıasy boıynsha debúttyq qadam jasady. Bul týraly "Qamshy" portaly habarlaıdy.

Al Batys kınokrıtıkteri qazaqstandyq rejıserdiń bul týyndysyn jaqsy baǵalap, Kafka men Karıýsmákıdiń qoltańbalaryn sezingendigin bildirgen.

Sarapshylar fılmdi ıntelektýaldy deńgeıi óte joǵary, sapaly ári kórkem týyndylar qataryna jatqyzǵan. Tipti, Kann festıvalindegi kórsetilimnen soń, kórermender toqtaýsyz 5 mınýt boıy qol soǵýmen bolǵan.

Fılmniń fabýlasy mynadaı. 25 jastaǵy Djon, onyń ógeı baýyry Erbol jáne qaryndastary Álıa Almaty qalasyndaǵy úılerin tastap, shesheleri muraǵa qaldyrǵan aýyldaǵy úılerine kóship barmaqshy bolady.  Alaıda jergilikti shendiniń baýyry on jyldan beri bos turǵan úıge zańsyz qonystanyp alǵan. Baýyrlar máseleni túsindirmekshi bolǵanymen, eshkim úıdi bosatpaıdy. Sodan aǵaıyndylar úıdi zańmen sheship almaqshy bolǵanda neshe túrli ádiletsizdikter men keleńsizdikterge jolyǵady.

Al sarapshylar bolsa qazaqstandyq jas rejıserdiń bul týyndysyn bıylǵy "Kannnyń" jańalyǵy dep baǵalap, fılmdi "qara ıýmor" janryna jatqyzǵan.

Nurzat Toǵjan