Tehas shtatynan respýblıkashyl-senator Ted Krýz dúısenbi kúni, 23 naýryzda AQSH prezıdenttigine daýysqa túsý nıetin jarıalamaq, dep habarlady Houston Chronicle basylymy senatordyń keńesshilerine silteme jasap.

Ol prezıdent oryntaǵyna alǵashqy úmitker bolmaq. Keńesshilerdiń aqparatyna qaraǵanda, Krýz Vırdjınıa shtatyndaǵy Lınchbergte Svobodnoe ýnıversıtetinde resmı málimdeme jasaýdy josparlaýda.

44 jastaǵy Krýz respýblıkashylardyń konservatıvtik toby men Shaı ishýshiler partıasynda tanymal tulǵa jáne ol Barak Obama ákimshiligin únemi jáne bitispes synǵa alyp júrgen adam. Ol obamacare dep atalatyn onyń medısınalyq saqtandyrýdy reformalaýyna dáıekti túrde qarsy shyǵyp keledi, dep habarlady Rosbalt.

CNN jáne ORC International survey naýryz aıynda saýaldama ótkizdi, ol respýblıkashylar arasynda AQSH-tyń burynǵy prezıdenti Djordj Býshtyń inisi Djeb Býsh (16%) jáne Vıskonsın shtatynyń gýbernatory Skott Ýorker (13%) kóbirek tanymal ekenin kórsetti.

Aqpan aıynyń sońynda amerıkandyq mıllıarder Donald Tramp ta AQSH prezıdenti saılaýyna túsý múmkindigi jóninde shyndap oılanyp júrgenin habarlady. Qurama Shtattar prezıdentiniń saılaýy 2016 jylǵy qarashada ótpek.