Partıanyń jańa jobalary – birkúndik aksıa nemese keńselik sharalar emes, partıa músheleriniń eńbegi nátıjesinde qazaqstandyqtardyń ómiri men turmysy jaqsarýy tıis. Bul týraly «Nur Otan» partıasynyń Hatshysy Tamara Dúısenova Qaraǵandyda ótip jatqan «Nur Otan» partıasy bastaýysh partıa uıymdarynyń aımaqtyq forýmynda aıtty.
Aımaqtyq forýmǵa Qostanaı, Qaraǵandy oblystary jáne Astana, Almaty qalalarynan iri bastaýysh partıa uıymdarynyń tóraǵalary, aýmaqtyq fılıal tóraǵalarynyń orynbasarlary, barlyǵy 250-ge jýyq partıalyqtar qatysýda.
Forýmnyń birinshi kúni 4 seksıalyq jumys júrgizilýde. Seksıalarda partıa qyzmetin jańǵyrtý jumystary aıasynda qolǵa alynǵan «Bastaýysh partıa uıymdarynyń qyzmetin jandandyrý» tujyrymdamasy, partıa qyzmetin jańǵyrtý jumystary aıasynda qolǵa alynǵan sıfrlandyrýdy júzege asyrý, partıa kadrlyq rezervin jandandyrý, partıanyń taldaý jáne saraptaý áleýetin arttyrý, birqatar naqty baǵyttar boıynsha bastaýysh partıa uıymdarynyń qyzmetin jandandyrý baǵyttary talqylanýda.
Forým barysynda Partıa Hatshysy osyndaı forýmdar taǵy da elimizdiń 2 óńirinde uıymdastyrylatyn atap ótti.
- Aımaqtyq forýmda bas qosqan bastaýysh partıa uıym ókilderiniń «jańa tujyrymdama» boıynsha aıtylǵan usynystary, pikirleri jınaqtalyp, osy jyldyń aıaǵynda Astanada ótetin respýblıkalyq BPU-nyń Forýmynda jarıalanady, - dep atap ótti Tamara Dúısenova.
Aıta ketsek, «Nur Otan» partıasy bastaýysh partıa uıymdarynyń alǵashqy aımaqtyq forýmy 22-23 tamyz kúnderi Shymkentte ótti.
Anyqtama úshin: 2018 jyldyń 1 shildesi boıynsha elimizde 1 mıllıonnan asa múshesi bar 5 839 bastaýysh partıa uıymy jumys isteıdi (BPU). Partıa qurylymyn jetildirý maqsatynda kishirek uıymdardy irilendirý arqyly bastaýysh partıa uıymdary júıesin ońtaılandyrý prosesi júrip jatyr. Búgingi tańda bastaýysh partıa uıymdarynyń jalpy kóleminiń 51,3% (3001 birlik) 3-ten 100-ge deıingi múshesi bar, 41,6% (2432 birlik) 100-den 500-ge deıin múshesi bar bastaýysh partıa uıymdary quraıdy.
Bastaýysh partıa uıymdary jumysyn uıymdastyrýda mańyzdy rol BPU tóraǵasyna beriledi. Turaqty túrde BPU tóraǵalaryn, partıa múshelerin ártúrli partıalyq oqý ádistermen (onlaın-oqý, semınar-trenıngter, sondaı aq jınaqy) oqytylady. 2017 jáne 2018 jyldary 4 myńǵa jýyq BPU tóraǵasy bilim jetildirdi.
