21 tamyzda Peterbýrg qalasynda belsendi ári bloger Edýard Nıkıtınniń ústinen qylmys is qozǵaldy. Reseılik azamat Edýard Nıkıtın 2-toptaǵy múgedek. Ol VKontakte áleýmettik jelisine jarıalaǵan saıasatqa qatysy bar "anekdot" aralas jazbasy úshin 5 jylǵa deıin sottalýy múmkin.
SSRO kezinen beri alǵash ret ázil-qaljyń úshin adamnyń ústinen qylmystyq is qozǵalýda. Áleýmettik jelide bólisken eki jazbasy úshin «Solıdarnost qozǵalysynyń múshesi Edýard Nıkıtınge adamnyń jeke basyna til tıgizip, qorlady degen aıyp taǵyldy.
Edýard Nıkıtın 1971 jyly týǵan, qazir ata-anasymen birge turady. Qylmystyq is qozǵalǵan belsendiniń ázil-qaljyń aralas jazbalary men pikirleri túsinispeýshilik pen qarsylyq týǵyzǵan.
Edýard Nıkıtın 2016 jyly da tekseristen ótken. Atalǵan qylmystyq is 2017 jyldyń jeltoqsanynda qozǵalǵan kórinedi.
«Áleýmettik paraqshama «birneshe shıeni jınaǵanmen tortqa aınalmaıdy», degen mátindegi memlekettik saılaýdyń nátıjesi týraly jazbany bólistim», - deıdi Edýard Nıkıtın.
«Edýard Nıkıtın avtorlyǵy kórsetilmegen birneshe jazbalardy bólisken. Jazbalardyń qatarynda memlekettegi saılaý nátıjesin synǵa alǵan ázil-qaljyńy aralas jazba da bolǵan. Eger siz elimizdegi depýtattarǵa, memleket basshysyna, bılik basyndaǵy sheneýnikterge senbeseńiz, memleket jaqsy jaǵynan ózgerip jatyr degenge kúmán keltirseńiz «ekstremızm» baby boıynsha qylmysker bolyp shyǵa kelesiz. Al eger osy týraly ázil-qaljyń, ıaǵnı "anekdot" aıtsańyz jaǵdaıyńyz budan da jaman bolady», deıdi Edýard Nıkıtınniń advokaty.
