Qaraǵandyda adam óltirip, alqa bılerdiń sheshimimen 19 jylǵa sottalǵan polısıa qyzmetkeri apelásıalyq aryz túsirdi. Birinshi sotta-aq 22 jastaǵy polısıa serjanty aqyl esiniń kemdigin aıtyp, ózin jyndyhanaǵa jiberýdi suraǵan dep jazady Qamshy.kz aqparat agenttigi KTK telearnasy deregin negizge alyp.
Bıylǵy jyldyń 1 mamyrynda polısıa serjanty Nurseıit Qaldybaevty arnaıy jasaq quryqtap jatyr. Tergeý málimetinshe ol 30 shy sáýirde «55 shi taıota kamrı» kóligin saýdalap júrgen Qaraǵandy turǵynymen satyp alýshy retinde kezdesken. Marqum kóliktiń ár jerin kórsetip júrgende, serjant qyzmettik tapanshasymen álginiń basyna oq atypty. Óli deneni aıdalaǵa laqtyryp tastap, marqumnyń kóligimen patrúldik polktegi jumysyna qaıta oralǵan. Qolǵa túskende kinásin tolyq moıyndaǵandyqtan, sot prosesi de jyldam júrdi. Biraq qorǵaýshysy onyń aqyl esinde aýytqýy bar degendi alǵa tartyp, eks polıseıdi psıhıatrıalyq aýrýhanaǵa jatqyzýdy suraǵan. Alaıda, polısıa qatarynda qysylmaı aq júrgen Qaldybaevtyń aǵzasynda aqaý bar degenge alqa bıleri sengen joq.
Gúlbarshyn Jitikova Qaraǵandy oblystyq sotynyń baspasóz hatshysy:
- Qaldybaevty adam óltirý, qarýdy zańsyz paıdalaný jáne urlyq baby boıynsha alqa bıleri ony kináli dep tapty. Sot sheshimi zańdyq kúshine engen joq. Sondyqtan ol apelásıalyq aryz berýge huqyly.
