«Qazaq arýy-2015» baıqaýynyń jeńimpazy – Kámshat Qoskelova. Ol qazir L.N.Gýmılev atyndaǵy Eýrazıa Ulttyq ýnıversıteti ekonomıka fakúltetiniń 4 kýrs stýdenti.
«Qazaq arýy» kez kelgen boıjetken úshin úlken mektep. Jeńiske jetkeni, jetpegeni bar, ol mańyzdy emes. Ár qyz ózin sahnada, halyqtyń aldynda qalaı ustaýy kerek, júris-turys, sóıleý máneri, taǵy basqa da qyz balaǵa qajetti dúnıelerdi úırenedi».
https://www.youtube.com/watch?v=82Y-75J0Dp8«Alǵashqyda kastıngke kelgende «ótemin, ótpeımin», degen oı bolǵan joq. Tek baǵymdy synap kórmek boldym. «Qolymnan ne keledi, bul nárseni isteı alamyn ba», osy týraly sol jerde otyrǵan qazylar alqasynyń pikirin bilgim keldi. Kastıngten baǵym bolar, ótip kettim. Sosyn maǵan berilgen múmkindik shyǵar dep, daıyndyqqa úlken jigermen kiristim»,-deıdi Kámshat.
«Baıqaýda eń bastysy – qazaqy tárbıe bolýy kerek. Ózim aýylda, ájemniń qolynda óstim. Sol sebepti, bul jaǵynan qoryqqan joqpyn. Basty qarýym bar dep esepteımin. Al, bı, júrip turý, ózin ustaı bilý degenderdi sol jerde úıretedi. Qazaq tilin, qazaqtyń saltyn, dástúrin, tarıhyn bilý – bul burynnan bilip kele jatqan ádettegi nárseler».
