Qaıǵyly oqıǵa Beıjińde oryn alǵan dep habarlady Qazaqstan jańalyqtary agenttigi óz derekkózderine silteme jasap.
Aqparattyq agenttiktiń derekkózi habarlaǵandaı, “Qazatomprom” aksıonerlik qoǵamynyń basshysy Qytaı astanasynda osydan bir saǵat buryn kóz jumdy.
Beıjińde Qapparov Qazaqstannyń resmı delegasıasynyń quramynda bolǵan.
Aldyn ala derekter boıynsha, ol túski ýaqytta júrek talmasynan kóz jumdy.
Aıta ketsek, buǵan deıin ol Qorshaǵan ortany qorǵaý jáne sý resýrstary mınıstri qyzmetin de atqarǵan edi. Keıin atalǵan vedomstvo ózgeristerge ushyrap, Qapparov bul mınıstrlikte qyzmetin vıse-mınıstr retinde jalǵastyrdy.
Nurlan Qapparov 1970 jyly 30 naýryzda Almaty qalasynda dúnıege kelgen.
Qapparov Qazaqstannyń eń aýqatty 50 azamatynyń qataryna kiredi. Ol Lancaster Group kompanıasynyń negizin qalaýshylardyń biri. Forbes deregi boıynsha onyń baılyǵy 120 mln dollarǵa baǵalanyp otyr.
