Sınoptıkter daýyldy eskertý jarıalady. Bul týraly Astana qalasy ákimdiginiń resmı saıtyna «Qazgıdromet» RMK habarlady. Astana qalasy túnde 1-2 qyrkúıekte jerdiń betki qabatyn 2°S úsik shalady dep kútilýde.

31 tamyz kúni qubylmaly aýa raıy saqtalyp, keı jerde jaýyn, burshaq jaýýy múmkin. Soltústikten 9-14 m/s jel soǵady. Aýa temperatýrasy túnde+8...+10°S, kúndiz +13...+15°S.

1 qyrkúıek kúni qubylmaly aýa raıy saqtalyp, kúndiz jaýyn jaýady. Túnde jáne tańda tuman kútiledi. Jel soltústikten 3-8 m/s. Aýa temperatýrasy túnde +3...+5°S, jerdiń betki qabaty -2°S úsik shalady, kúndiz +9...+11°S.

2 qyrkúıek kúni qubylmaly aýa raıy saqtalyp, kúndiz jaýyn jaýady. Túnde jáne kúndiz tuman. Jel soltústikten 3-8 m/s. Aýa temperatýrasy túnde +1...+3°S, jerdiń betki qabaty -2°S úsik shalady, kúndiz +9...+11°S.

Túnde 1-2 qyrkúıekte Aqmola, Qostanaı, Soltústik-Qazaqstan, Pavlodar,túnde 2-3 qyrkúıekte Qaraǵandy, túnde 3-4 qyrkúıekte Shyǵys-Qazaqstan oblystarynyń keı jerlerinde úsik 3°S kútiledi.

Daýyldy eskertýdiń yqtımaldylyǵy 90-95%.