Jurtshylyqty aspanǵa qaratqan Abaı Begeıdiń «Aı Músin» áni tek qazaqtyń toıynda emes, reseıdiń shoq juldyzy Tımatıdiń konsertinde shyrqalyp, onyń súıikti ánderiniń tizimine enip úlgerdi. Abaıdyń juldyzyn jaqqan bul ánniń arqasynda kúntizbesinde tipti bir bos kún joq. Suranysqa ıe hıt án oǵan qyrýar qarjy ákelip, qaltasyn da qalyńdatty.
Eń qyzyǵy Tımatı men Abaı Begeıdiń prodúserleri ózara kelisim jasap jatqan kórinedi. Reseılik oryndaýshy jýyrda Almaty qalasynda ótetin Abaıdyń alǵashqy án keshiniń qonaǵy bolmaq. Buǵan deıin Abaı Begeı Aqtaý qalasynda Kýbalyq ánshilermen birlesip konsert ótkizgen bolatyn. Án ózge ult ókilderine nelikten erekshe áser etti eken?! Mýzyka til talǵamaıdy degen osy bolsa kerek. Desek te, qazaq ániniń shetelde nasıhattalýy qýanarlyq jaǵdaı.
