Jýyrda qazaqtyń halyq jaýzyshysy, aqyn, qoǵam qaıratkeri Muhtar Shahanovqa Ázerbaıjan Respýblıkasy taǵaıyndaǵan Túrki áleminiń halyqaralyq Mahmut Qashqarı syılyǵy tabys etildi. Bul týraly "Qamshy" portaly habarlaıdy.

Aqyn Muhtar Shahanov Ázirbaıjan Astanasy Bakýde ótken jıyn barysynda qoǵamdaǵy, álemdegi eń ózekti máseleler jaıly sóz etken. Mysaly, aǵaıyndylardyń bir-birine úılenýi, gendik tazalyqtyń buzylýy, adamdy rýhanı bıiktikke kóteretin qundylyqtardyń arbanyń besinshi dóńgelegine aınalyp bara jatqandyǵy, arzanqol dúnıelerdiń "shedevr" bolyp eseptelip, shyn talantardyń tasada qýrap jatqandyǵy, álem halyqtarynyń turmystyq-materıaldyq sana bılep, rýhanıattyń keıingi qatarǵa ysyrylyp bara jatqandyǵy sekildi birqatar taqyryptar qaýzalǵan.

Qazaq aqynynyń ázirbaıjandyq oqyrmandarynyń arnaıy suraýy boıynsha, ÁR telearnalary Muhtar Shahanovqa arnalǵan qos birdeı baǵdarlama túsirgen.

Sondaı-aq, Túrki álemi zıalylar odaǵynyń tóraǵasy Muhtar Shahanov odaqtyń taǵy bir bólimshesin Ázirbaıjan Astanasy Baký qalasynda ashty. Odaqtyń Bakýdegi bólimshe basshysy bolyp Ázirbaıjan Respýblıkasy parlamentiniń depýtaty, aqyn Sabyr Rústemhanly taǵaıyndaldy.

Esterińizde bolsa, jýyrda Pákistan Islam Respýblıkasy (PIR) prezıdenti qazaq aqyny Muhtar Shahanovqa kúlli musylman áleminiń joǵarǵy syılyǵyn tabystaǵan bolatyn. Mine, arada aı ótpeı jatyp, taǵy bir bedeldi marapatty ázirbaıjandyq baýyrlar tabystap otyr.

Nurzat Toǵjan