AQSH-ta Qazaqstandyq jartylaı orta salmaqtaǵy boksshy Danıar Eleýsinov (3-0, 1 KO) kásibı rıngtegi tórtinshi kezdesýin ótkizdi dep jazady Qamshy.kz aqparat agenttigi Sports.kz saıtyna silteme jasaı otyryp.
27 jastaǵy qazaqstandyq Boston qalasyndaǵy TD Garden arenasynda ótken boks keshi aıasynda amerıkalyq Mett Doertıge (8-5-1, 4 KO) qarsy bokstasty. Bul jekpe-jek birinshi raýndta tehnıkalyq nokaýtpen Eleýsinovtiń jeńisimen aıaqtaldy. Sóıtip Danıar óziniń kásibı bokstaǵy tórtinshi jeńisine qol jetkizdi.
.@murphysboxing Card with Prospect Daniyar Yeleussinov 4-0 who stopped Doherty in 1 Saturday:https://t.co/QCx2NFNNqu#boxe #boxeo #TTR #video #The13thRound #boxing #Canelo #Joshua #Wilder #Fury #Crawford #WBSS #TICKETS pic.twitter.com/6ZXDOTy9CV
— the13thround.com (@the13thround) 21 oktábrá 2018 g.
Aıta keteıik, 27 jastaǵy Eleýsinovtiń múddesin qorǵaıtyn Matchroom Boxing promoýterlik kompanıasy onyń kásibı bokstaǵy besinshi jekpe-jeginiń qashan jáne qaıda ótetinin de jarıalaǵan bolatyn. Onyń qarsylasy ázirge belgisiz.
Danıar Eleýsinov bıylǵy 4 tamyzda ótken jekpe-jekte vengrıalyq Gabor Gorbıchti (26-13, 16KO) upaı sanymen jeńgen bolatyn. Budan keıin qazaqstandyq boksshynyń BoxRec.com tanymal saıtyndaǵy reıtıńi birden 75 satyǵa joǵarylady.
