20 sáýir Almaty. Búgin saǵat 11:00-de «Suńqar» halyqaralyq shańǵy tramplıni kesheninde, QR Prezıdenti janyndaǵy Ortalyq komýnıkasıalar qyzmetiniń fılıalynda «Qazkontent» AQ jáne qazylar músheleriniń, konkýrsty uıymdastyrýshylardyń qatysýymen «Seniń daýysyń – Seniń bolashaǵyń» atty posterlerdiń respýblıkalyq konkýrsynyń ótý barysy týraly baspasóz konferensıasy ótti.
«Seniń daýysyń – seniń bolashaǵyń» posterler konkýrsy 17 naýryzda bastaý alǵan bolatyn. Avtorlardyń kópshiligi – 18 ben 20 jas aralyǵyndaǵy jastar ókili. Konkýrstyń eń jas qatysýshysy Shuǵyla Mahambet 14 jasta. Ol astana qalasynda turady jáne Qazaq ulttyq óner ýnıversıteti janyndaǵy mekteptiń 5 synybynda oqıdy.
Konkýrstyq jumystar kishkene kentterden bastap úlken qalalarǵa deıingi Qazaqstannyń barlyq óńirlerinen joldandy. Posterlerdiń kópshiligi Almaty, Aqmola jáne Batys Qazaqstan oblystarynan kelip tústi – olardyń sany barlyq jumystardyń jartysynan astamyn qurady.
Konkýrstyq jumystardy qabyldaý 15 sáýirde aıaqtaldy, odan keıin qazylar eń úzdik jumystardy tańdady jáne 20 sáýirde jeńimpazdardy marapattaý ótti.
Konkýrs «Sailau2015.el.kz» arnaıy tuǵyrnamasy aıasynda, «El.kz» áleýmettik jelisi bazasynda júrgizildi. «El.kz» jobasy eń talantty jáne qyzyqty jas adamdardy biriktiredi.
Qazirgi ýaqytta «El.kz» arqasynda qazaqstandyqtar, ana tili, halyqtyń mádenıeti men dástúrleri týraly biregeı materıaldar jasalyp, sanynyń artýy jalǵasyp otyrǵan portalda áleýmettik jeliler men blog-tuǵyrnamalardyń 190 myńdaı paıdalanýshy–avtorlastary tirkeldi. Portaldyń áleýetinde - kreatıvti ıdeıalar, blogtar, sholýlar, analıtıkalyq materıaldar, fotoreportajdar men beıneler kún saıyn shyǵýda.
Aqparattyq anyqtama:
Bas júldeni (halyqtyq daýys berý) - Almaty qalasynyń turǵyny Erkebulan Ómırhanuly Qazykenov jeńip aldy.
Qazylar tańdaýy nomınasııasy boıynsha:
Birinshi oryn - Aınur Bahytbekqyzy Bokına. Astana qalasynan
Ekinshi oryn - Vıktorıa Vadımovna Rezýnova.Pavlodar qalasynan.
Úshinshi oryn - Saǵıdolla Halekesuly Ahtanov Almaty qalasynan.
"KAZKA" Qazaqstandyq qaýymdastyq nomınasıasy boıynsha :
Birinshi oryn - Bekzat Ábildauly Mahambet. Astana qalasynan.
Ekinshi oryn - Mırjan Muhambetuly Muhambetov Oral qalasynan
Úshinshi oryn – sýretshi Renata Evseeva, Taldyqorǵan qalasynan.
