Azamattyq qoǵamdy damytý úshin saıası, quqyqtyq jáne ekonomıkalyq alǵysharttarmen qatar, memlekette orta tap ókilderi sanynyń ulǵaıýy da mańyzdy faktor. Memlekettegi áleýmettik-ekonomıkalyq jańartýlardyń tereńdigi men yrǵaǵy orta taptyń sandyq ári sapalyq kórsetkishterine de baılanysty ekenin kóptegen memleketterdiń damýy aıqyn kórsetip otyr.

Sonymen qatar, orta tap qazaqstandyq ulttyń negizi, kásibı memlekettik apparatty damytýshy bóligi bolyp, qoǵamda sonymen qatar, ortaq qundylyqtar men kózqarastar júıesin qalyptastyrady. Orta tap ókilderiniń sanyn ulǵaıtý áleýmettik jaǵdaıdy jaqsartyp, halyqty jumyspen qamtý máselelerin de sheshedi.

Orta tap ókilderi jańa qundylyqtardy taratýshy, jańa dúnıetanym ıeleri retinde memlekettegi áleýmettik ári mádenı modernızasıany júrgizýde óz yqpalyn tıgizedi. Sonymen qatar, orta tap ókilderi sanyn ulǵaıtý qoǵamda tıimdi básekelestik orta qalyptastyryp, damytýǵa múmkindik beredi.

Osy oraıda memlekettegi «otandyq ónimge qoldaý», «Qazaqstanda jasalǵan» aksıalary tek otandyq óndirýshilerdi jarnamalaý nemese olarǵa qoldaý kórsetý ǵana emes. BAQ arqyly sátti shaǵyn bıznes jobalarynyń júzege asyrylýy týraly aqparattyq qamtamasyz etý memleket azamattaryn orta taptyń negizin quraıtyn shaǵyn bıznestiń ókilderi bolýǵa ıtermelep, septigin tıgızedi. Sol sebepti, ár túrli aqparattyq ári kommýnıkatıvti tehnologıalardy paıdalana otyryp, shaǵyn bıznesti damytý ıdeıasyna jaǵymdy áser etýge bolady.