“Shine production” prodúserlik ortalyǵy úshin bıylǵy jyl beıneklıp túsirýmen bastaldy.

Buǵan deıin Baıan Esentaeva bastaǵan top “KeshYou”, “Lashyn” toptaryna, Kámshat Joldybaeva men Erke Esmahanǵa sýjańa vıdeo túsirý úshin Úndistanǵa baryp qaıtqan edi. Endi kezek Janar Duǵalovaǵa kelipti. “Turkvision-2014″ baıqaýynda Qazaqstannyń namysyn qorǵaǵan Janar jańa beınebaıanynyń túsirilimine kiristi. Oryndaýshyǵa jeńis syılaǵan ándi ózi, al mátinin Rınat Zaıytov jazǵan bolatyn. Qazaq danalaryna arnalǵan “İzin kórem” ánin Nurjan Tájikenov dombyramen súıemeldegen-di. Beınebaıan Máskeýde túsirilip jatyr. Rejıseri qazaqstandyq jáne reseılik shoý-bıznes ókilderinimen birlese jumys jasaǵan — Alekseı Golýbev. Onyń beınebaıandardan bólek, kınokartınalar men shoý-baǵdarlamalarǵa qosqan úlesi mol. Jańa klıp jaıly bilý úshin Janardyń mýzykalyq prodúseri Baǵym Muhıtdenovaǵa habarlastyq. “Túsirilim jumystary búgin bastaldy. Al, tusaýkeseriniń naqty qaı kúni bolatynyn ázirge aıta almaımyn”,- deıdi ol. Klıpte Janarmen birge Nurjan Tájikenov te tóbe kórsetedi.