Búgin Almatyda órtengen "Adem" bazarynyń saýdagerleri mıtıńke shyqty. Bul týraly "Azattyq" saıty habarlaıdy.

Keshe tolyqtaı janyp ketken "Adem" saýda ortalyǵynyń burynǵy saýdagerleri men býtık arendatorlary (jalǵa alýshylar) narazylyq aksıasyn uıymdastyrǵan. 200-ge tarta adam bir aýyzdan "Nazarbaev, qutqar bizdi!" dep uran salyp, transport qozǵalatyn almatynyń soltústik aınalma jolyn jaýap tastaǵan. Narazylyq aksıasy bolǵan jerge kelgen quqyq qorǵaý organdary qyzmetkerleri ereýilshilerdi joldyń shetine shyǵaryp, transport jolyn ashqan. Qazirgi ýaqytta, yzaǵa býlyqqan  kásipkerler men saýdagerler joldy qaıta jaýyp tastamaýy úshin, polısıa olardy kúzetýde.

"Órtten keıin biz eshkimge kereksiz bolyp qaldyq",-deıdi ashynǵan saýdagerler. Al qarapaıym saýdagerlerdiń barlyq taýarlary órtenip ketken. Olardyń aıtýynsha, órt kezinde Jetisý aýdanynyń ákimi ǵana kelip, saýdagerlermen birge bolǵan. Al Almaty qalasynyń ákimi múlde aıaq baspaǵan.

Esterińizge sala keteıik, 26 sáýir kúni burynǵy "Baraholka" bazarynyń bas jaǵynda ornalasqan "Adem" saýda ortalyǵynan órt shyǵyp, órt sóndirý qyzmetkerleri qyp-qyzyl órtti  tek 27 sáýir kúni tańǵa jýyq toqtatqan. Keıin anyqtalǵandaı, "Ademdegi" órt 25 myń sharshy metrdi jalmap ketken.

Nurzat Toǵjan