Bıylǵy UBT tártibi qatalyraq bolmaq. Endi test tapsyrylatyn aýdıtorıany İT-mamany qadaǵalap, shpargalkamen ustalǵandar JOO-ǵa túsý quqyǵynan aıyrylady.
Bıyl túlekter synaqty jańa tártippen tapsyrady. Osy joly UBT suraqtary da jańarǵan. Sondaı-aq túlektiń testileý kezinde alǵan baǵasy men jyldyq qorytyndy baǵasy qosylyp, ortasha arıfmetıkalyq baǵasy shyǵatyn boldy. Testileý maýsymnyń 2-si men 15-i aralyǵynda bolady.
Saýaldar qory 21 myń 200 jańa suraqpen tolyqqan. Onyń 3 myńy logıkalyq suraq túrinde bolady. Sondaı-aq osy jyldan bastap oqýshynyń ulttyq biryńǵaı test tapsyrý kezinde alǵan baǵasy men jyldyq qorytyndysy qosylyp, ortasha arıfmetıkalyq baǵamen esepteledi.
“Ulttyq biryńǵaı testini tapsyrǵan kezdegi alynǵan baǵamen qorytyndy baǵanyń ortasha arıfmetıkalyq baǵasy qoıylady. Eger de daý týǵan jaǵdaıda, baǵa joǵarylatylady. Mysaly, eger de oqýshy UBT tapsyrǵan kezde 4 degen baǵa alsa, al endi onyń qorytyndy baǵasy 5 bolǵan jaǵdaıda onda oqýshyǵa joǵarylatý maqsatynda 5 degen baǵa qoıylady”,- dedi Almaty qalasy bilim salasyn baqylaý departamentiniń basshysy Qanaı Batyrbaev.
Bıyldan bastap árbir aýdıtorıany İT-mamany qadaǵalaıdy. Olar uıaly baılanystyń bólmede bolmaýyn, beınebaqylaý kameralarynyń durys jumys isteýin, sondaı-aq, jaýap paraqtaryndaǵy belgilengen nusqalardyń jóndi eseptelýin baqylaıdy.
Mamandar osy arqyly tártipti odan ármen kúsheıtpek. Endi test tapsyrý kezinde bitirýshiden tyıym salynǵan zattar men “shpargalka” tárkilense, ol aýdıtorıadan qýylady. Sóıtip test tapsyrý quqyǵynan aıyrylady.
“Onda test materıaldary joıylyp, mektep bitirýshi aýdıtorıadan shyǵarylady. Ol bıyl joǵarǵy oqý ornyna túsý quqyǵynan aıyrylady. Biraq mektepte emtıhan tapsyryp, atestat alýyna tolyq múmkindigi bolady”,- dedi dedi Almaty bilim salasyn baqylaý departamentiniń basshysy Qanaı Batyrbaev.
Bıyl Almatda 7905 oqýshy mektep bitiredi, onyń 6247-si ulttyq biryńǵaı test tapsyrýǵa ótinish bildiripti. Olardyń qatarynda 276 túlek altyn belgige úmitker. Qalada 7 UBT ótkizý ortalyǵy jumys jasaıdy.
Aıta ketsek, Almaty qalasy úsh jyl qatarynan UBT kezinde úzdik kórsetkishke ıe bolyp, respýblıka boıynsha kósh bastap keldi.
