Oraldyq "Aq jaıyq" fýtbol klýbynyń burynǵy oıynshysy ISHIM sapynda, Sırıa terıtorıasynda soǵysyp júr. Bul týraly BQO İİD-niń baspasóz-qyzmeti habarlaǵan.

Baspasóz qyzmeti taratqan aqparatta, 2007-2001 jyldar aralyǵynda "Aqjaıyq" fýtbol klýbynyń sapynda óner kórsetken Aıbek Gýbaılýllınge halyqaralyq izdeý jarıalanǵan.

- 2015 jyldyń 12 qańtarynan bastap Aıbek Gýbaılýllın halyqaralyq izdeýde. Oǵan Sırıa terıtorıasynda áskerı qaqtyǵystarǵa qatysyp, terrırlyq toptyń múddesine qyzmet etti degen kúdikpen izdeý salynǵan,-deıdi İİD-niń baspasóz qyzmeti.

Qazir Aıbek Gýbaıdýllın QR QK 257 babynyń, 2- tarmaǵy boıynsha, "terrırıstik toptyń quramynda bolyp, terorıstik aktiler jasaýǵa áreket etken" degen aıyp taǵylǵan.

Ázirge, burynǵy fýtbolshy tabylmaǵan. Quqyq qorǵaý organdary málimetine súıensek, ol áli kúnge deıin Sırıa terıtorıasynda júrgen bolýy múmkin.

2014 jyldyń 30-jeltoqsanynda 1988 jylǵy Aıbek Gýbaıdýllınniń ústinen QR QK 233 baby, 2-tarmaǵy boıynsha sot syrttaı úkim shyǵaryp, qamaýǵa alý týraly sheshim qabyldanǵan bolatyn.

Aıbek Gýbaıdýllın "Aqjaıyq" sapynda óner kórsetken ýaqyt aralyǵynda komanda kapıtany bolǵan. Alaıda, ol óziniń fýtboldyq karerasyn aıaqtamaǵan.

2010 jylǵy oraldyq "Aqjaıyq" klýby taldyqorǵandyq "Jetisý" klýbynan jeńilis tapqannan keıin, ol óziniń komandalastarymen birge Oral qalasyndaǵy kafelerdiń birinde tóbeles shyǵaryp, shýy daýdyń ortasyna ilikken. Osy janjaldar kezinde ol birneshe dene jaraqatyn alyp, dárigerlerdiń kómegimen, fýtbolǵa qaıta oralǵan. Tipti "Aqjaıyq" sapynda birneshe jyl, Qazaqstannyń birinshi lıgasynda óner kórsetken. Keıin, ol óz erkimen karerasyn támamdaıtynyn málimdegen bolatyn.

Nurzat Toǵjan