Bul suraqqa «Financial Times» gazetiniń sholýshysy Devıd Sheppard jaýap berdi. Goldman Sachs ınvestısıalyq banki munaı eksporttaýshy elder uıymyndaǵy (MEEU)  baǵaǵa Saýd Arabıasynyń  sheshimi áser etkenin aıtty. Bul istiń basty maqsaty – qara altynnyń baǵasyn kóterý.

Munaı jańa jyldan beri 11%-ǵa qymbattaǵan.

Osy aptada Saýd Arabıasynyń Energetıka mınıstri Halıd Falıh Koróldik munaı óndirýdi naýryz aıynda, shamamen, 9,8 mln barelge deıin qysqartatynyn málimdedi. Bul Reseı men munaı eksporttaýshy elder uıymy jasaǵan qarasha aıyndaǵy kelisimnen 1 mln barelge az. Sondaı-aq Koróldik 2011 jyldan beri munaı eksportyn eń tómengi deńgeıge deıin qysqartqan.

Goldman Sachs sarapshylary munaı baǵasy kelesi toqsanda kóbeıetinin aıtty. Biraq, bul tek Er-Rıad saıasatyna ǵana baılanysty emes. Qara altyn baǵasynyń ózgerýi álemdegi kóp jaǵdaıattarǵa áser etýde. Venesýelaǵa qatysty sanksıa, ırandyq munaı eksport kóleminiń kúrt qysqarýyna alyp kelgen Vashıngtonda qabyldanǵan sheshim, aıta berseń kóp.

Alaıda, búginde bareldiń dollarǵa shaqqandaǵy baǵasy - 60 dollar. Ótken jylǵy kórsetkish 86 dollar bolatyn. Dál qazir 2018 jylǵy baǵanyń aýyly alys deıdi sholýshy. Nordea ekonomıseri qysqy ýaqytta energetıkalyq resýrstarǵa qajettilik munaıǵa suranysty arttyrady deıdi. Biraq, jaqyn ýaqytta munaı baǵasy kúnine barelge shaqqanda 60-62 dollardan kóterile qoıýy ekitalaı.

Munyń basty sebebi – AQSH-ta óndirilip jatqan munaı kólemniń kóbeıýi. Ótken jyly qara altynnyń kóp óndirilýine baılanysty onyń baǵasy quldyraǵan bolatyn. Amerıkalyq energetıkalyq aqparat basqarmasy osy aptada 2019 jyly kúndelikti óndiriletin munaı 12,4 mln barelge deıin ósedi dep boljam jasady. Bul 2018 jylmen salystyrǵanda 1,45 mln barelge kóp.

Sonymen qatar bul osydan úsh aı buryn boljanǵan baǵadan 350 myń barelge artyq. Bir jyl buryn amerıkalyq uıym 2019 jyly munaı óndirý kúnine bar bolǵany 590 myń barel bolady dep eseptegen edi.

Goldman Sachs banki amerıkalyq munaıdyń álemniń kóptegen eline eksporttalatynyn, sondaı-aq baǵasy ósýi múmkin ekenin aıtty.

Shynádil Saltanat