Ǵalymdar adamzattyń osydan 100 000-200 000 jyl buryn ómir súrgen er men áıelden taralǵanyn moıyndady.

Olar 5 mıllıonǵa jýyq janýar men adamnyń genetıkalyq shtrıhkodtaryn zertteý arqyly osyndaı uıǵarymǵa keldi. Paıymdaýlarynsha, biz úlken bir apattan aman qalǵan erli-zaıyptydan taraǵan ekenbiz.

DNQ kodtary tipti tek adamdardyń emes, búginde tirshilik etip júrgen 9-10 túrli janýardyń da bir juptan paıda bolǵanyn anyqtapty.

Zertteýdiń basy qasynda júrgen Shtokl men Taler mundaı nátıjeniń tańǵalarlyq ekenin aıtyp otyr.

«Bul bir ǵajap boldy. Nátıjege senbeı, teriske shyǵarǵymyz keldi, alaıda qorytyndy aınalyp kelip, osy tujyrymǵa tireldi», - dedi tańdanysyn jasyrmaǵan Taler.

Shveısarıadaǵy Bazelá ýnıversıtetiniń ǵylymı qyzmetkerleri Mark Shtokl men Devıd Taler álemniń jyldam damyp kele jatqan genetıkalyq negizderin zerttep, Darvınniń evolúsıalyq damý teorıasyn da jiti qarap shyqqan.

«Planetadaǵy adamdardyń kóptigine ári aýqymdy geografıalyq taralymyna qarap genetıkalyq túrlilikke ıe dep aıtýǵa bolar edi. Adamdar jeke jáne toptyq aıyrmashylyqtarǵa kóńil bólip júrgende, biz adamdardyń bir-birine qalaı qatty uqsaıtyndaryna basa nazar aýdaramyz», - dedi ǵalymdar.

Usynǵan: Gúlim Jaqan