Tanymal ázilkesh, "Kazahı" KVN komandasynyń oıynshysy Nurdáýlet Shertim Nur-Sultan qalasynyń pankratıon federasıasynyń qoǵammen baılanys jónindegi dırektory qyzmetine taǵaıyndaldy dep habarlaıdy Qamshy.kz aqparat agenttigi Sputnik Qazaqstan saıtyna silteme jasap.

Ol jańa qyzmette nemen aınalysatynyn aıtyp berdi. 

"Pankratıon óte damyǵan sport túri. Meniń jumysym - qazirgi jastardy osy sportpen tanystyrý, olardyń pankratıonǵa degen qyzyǵýshylyǵyn, yntasyn arttyrý. Keshe keshke ǵana buıryq shyqty. Qudaı qalasa, osy aptada iske kirisemin", - dedi jańa qyzmetke taıyndalǵan Nurdáýlet Shertim.

Sondaı-aq, ol federasıanyń aldaǵy josparyna da toqtaldy.

"Qarashanyń 1  men 5 aralyǵynda pankratıonnan Italıada álem chempıonaty bolady. Soǵan sportshylardy daıyndaımyz", - dedi Nur-Sultan qalasyndaǵy pankratıon federasıasynyń qoǵammen baılanys jónindegi dırektory.

Aıta ketsek, Nurdáýlet Shertim "Kazahı" KVN komandasy quramynda Joǵary lıgany vıse-chempıony (2010), Praga kýbogynyń jeńimpazy (2010) atanǵan. Sondaı-aq belgili ázilkesh "Bazarbaevtar" serıalyna, "Gýd baı, moı baı!" jáne "Jenatıkı" fılmderine tústi.