Ózbekstan azamattarynan atom elektr stansıasyn (AES) salýǵa qatysty suralǵan saýalnamanyń nátıjesi shyqty dep habarlaıdy Qamshy.kz aqparat agenttigi Podrobno.uz saıtyna silteme jasap.

Zertteý jumystary "Ijtımoıı fıkr" qoǵamdyq pikir respýblıkalyq ortalyǵy arqyly uıymdastyrylǵan. Saýalnama ártúrli áleýmettik jaǵdaıdaǵy turǵyndardyń tobynan alyndy.

Zertteý nátıjesi boıynsha, saýalnamaǵa qatysqan respondentterdiń jartysynan kóbiniń (69,5%) atom energetıkasy týraly habary bar. Biraq, kóptegen adamdar tabıǵı resýrstardyń únemdeý maqsatynda atom energıasynyń beıbit qoldaný mańyzdylyǵyn aıtqan.
Sonymen qatar, zertteýshiler  AES qurylysyna qatysty pikirler  nege jaǵymsyz ekenine de taldaý jasaǵan.

Bul oraıda respondentterdiń kóbisi atom energıasynyń ekologıaǵa zıandylyǵy týraly aıtqan.  Adamdardyń 30 paıyzy bul týraly tipti bilmeıtinin jetkizgen. Al olardyń 20 paıyzy ekologıa qorshaǵan ortaǵa zıanyn tıgizedi dep oılaıdy. Biraq ta saýalnamaǵa qatysqan adamdardyń basym bóligi qazirgi zamanǵa saı atom elektr stansıalarynan tabıǵatqa zalal kelmeıdi dep esepteıdi.

Sonymen. saýalnama nátıjesi neni kórsetti? Sarapqa salar bolsaq, Ózbekstan turǵyndary atom elektr stansıasynyń qurylysyn salýǵa qarsy emes. Saýalnamaǵa qatysqandardyń  83 paıyzy AES qurylysyn salý durys dep esepteıdi, 85,6 paıyzy AES qyzmetin qoldaıtynyn aıtqan.

Suralǵan árbir ekinshi respondent (55,7%) AES qurylysynda nemese stansıanyń ózinde jumys isteýge daıyn.