10 shildede Qazaqstannyń Ulttyq mýzeıiniń dırektory bolyp taǵaıyndalǵan Arystanbek Muhamedıuly óziniń jańa qyzmetke kelgenine rıza ekenin aıtty dep jazady Qamshy.kz aqparat agenttigi. Bul týraly eks-mádenıet jáne sport mınıstri óziniń Facebook paraqshasynda jazdy.
Muhamedıulynyń jazýynsha, ol burynnan beri arheologıamen aınalysqysy kelgen.
"Dostarym, Qazaqstan Respýblıkasy Prezıdentiniń Jarlyǵymen Qazaqstan Ulttyq mýzeıiniń dırektory qyzmetine taǵaıyndalǵanym kóbińizge belgili. Qasym-Jomart Kemelulyna maǵan artqan senimi úshin alǵysymdy bildire otyryp, sizdermen qýanyshymmen bóliskim keledi, meniń kásibı turǵyda aınalysqym keletin is te, elimizde jańa deńgeıge kóterýdi kerek etetin sala - arheologıa. Meniń bul qyzyǵýshylyǵymdy ózderińiz jaqsy bilesizder. Ózimniń súıikti isimmen aınalysýǵa tolyq múmkindik týǵanyna rızamyn!
Qazaqstan qoınaýy qupıalar men qazynaǵa toly, tarıhtan syr shertetin jerler qanshama!
Sizdermen barlyq jańalyqtarmen mindetti túrde bólisetin bolamyn. Quttyqtaýlaryńyzǵa kóp raqmet!", - dedi mýzeı dırektory óziniń jazbasynda.
Pikir qaldyrý