Aǵymdaǵy jyldyń naýryz aıynda Almaty qalasy, Bostandyq aýdanynyń İİB-na orta jastan asqan jergilikti azamatshadan aryz kelip túsken. Aryzda týǵan qyzynyń kámelet jasqa tolmaǵan sábıin qaraýsyz tastap, ózi izim-ǵaıym joǵalyp ketkeni týraly aıtylǵan. Atalmysh is boıynsha Almaty qalalyq krımınaldy polısıa qyzmetkerleri jedel izdestirý jarıalap, kóp uzamaı izdeý nysanynyń qaıda jasyrynǵany belgili bolǵan. Bul týraly «Qamshy» portaly  Almaty q. İİD-niń baspasóz qyzmetine silteme jasaı otyryp habarlaıdy. İzdeý jumystarynyń nátıjesinde tasbaýyr anany quqyq qorǵaý qyzmetkeri tanyp, ony tutqyndamaq bolǵan. Alaıda kókek ana qarsylyq tanytyp, polısıaǵa baǵynbaǵan. Osylaısha oqıǵa ornyna «Boran» patrúldik polısıa qyzmetkerleri kelgende ǵana yzaǵa býlyqqan áıel sabasyna túsken. Tergeý jumysy barysynda anyqtalǵandaı, izdeýdegi áıeldiń arasynda anasymen  kıkiljiń bolǵan eken.  Ashýlanǵan áıel bárin tastap, úıden ketip qalǵan. Qazirgi tańda ol úıine oralmaǵan. Al kámelet jasqa tolmaǵan balasy áli ájesiniń qaraýynda.