Rasynda da biz qazirgi kezeńde «jasyl ekonomıkanyń» qajettiligi týraly onyń paıdasy men tıimdiligi týraly jıi aıtamyz. Alaıda bul jerde taǵy bir nárse bar: biz ol týraly únemi umytyp kete beremiz. Ol – ne deısiz ǵoı. «Jasyl ekonomıka»  bul – naryq.  Oǵan dendep engenimizben bizde osy salaǵa laıyqty maman kadrlar bar ma?  Bul eń basty másele ekendigi anyq.  Órkenıet damyǵan saıyn tahnologıalar da jańaryp barady. Zaman bir ornynda turǵan joq. Sala jańarǵan saıyn jańa mamandyqtar paıda bolýda. Sol sıaqty «jasyl ekonomıka» salasyna da jańa mamandar qajet. Biraq oǵan biz qanshalyqty daıynbyz? Bul oraıda memleket ne istep jatyr? Biz osy saýaldy Eńbek jáne halyqty áleýmettik qorǵaý mınıstrligine joldaǵanbyz. Qýanyshymyzǵa oraı mınıstrliktiń baspasóz qyzmetinen tıisti jaýap aldyq. Demek mamandar bar, oqytylyp jatyr. Bul árıne durys qadam degen oıǵa keldik. Sonymen...

Mınıstrliktiń baspasóz hatshysy málim ótkendeı, búgingi tańda «Eńbek» baǵdarlamasy boıynsha ónimdi jumys istelinip jatyr eken. Basty maqsaty -aldymen jumyssyzdy joıý, jastardy kásipke baýlý. Sonymen qatar, suranysqa ıe bolyp otyrǵan mamandyqtar tizimin jasaý, jańa sala «jasyl ekonomıka» úshin mamandardy jappaı oqytý júzege asyrylyp jatqanǵa uqsaıdy. Bul jerde eki máseleniń baryn aıta ketken jón. Bolashaq mamandar alǵashqyda 1-6 aı aralyǵynda qysqamerzimdik kýrstarda oqıdy. Al ekinshileri, arnaıy kolejderde bilim alady. Olar 2,5 jyldyń ishinde tıisti mamandyqtaryn alyp shyǵady. Árıne koledjderde oqyǵannyń óte tıimdi ekeni túsinikti. Óıtkeni olardyń arnaıy tehnıkalyq  daıyn bazasy bar.

Bizge tıisti mınıstrlikten málim etkendeı, 2022 jylǵa deıin «jasyl ekonomıka»  úshin osy salaǵa qatysty 258 myń adamdy oqytý kózdelip otyr eken. Bul árıne óte   jaqsy qadam.  «Jasyl ekonomıka» dep jelpinip sóılegenmen, sońynda oǵan maman daıar bolmaı shyqsa, eń qıyny sol. Sondyqtan da ejelden kele jatqan bir támsil bar: isti kadr sheshedi.