Parıjdegi «normand tórttiginiń» kezdesýinen keıin «bul kelisim qanshalyqty paıda beredi»? degen áńgime taǵy da aıtyla bastady. Resmı Kıev baqylaýda ustaı almaı otyrǵan Donbass aýmaǵynyń shekaralyq aımaǵyna qabyrǵa turǵyzýy múmkin.

–Eger nátıje shyqpasa, bul eń sońǵy qadam bolyp sanalady, – dep málimdedi Ýkraına prezıdenti Vladımır Zelenskıı  «1+1» telekanalyna bergen suhbatynda.

–Bul –  «B» jospary. Bul – eń sońǵy áreket. Biraq men bul jospardyń oryndalýyn qalamaımyn,– dedi Vladımır Zelenskıı.

Aıta ketý kerek, Qaýipsizdiń keńesiniń otyrysynda soǵys aımaǵyna qatysty birneshe jospar qaralǵan. Qazirgi ýaqytta Ýkraınanyń Lýgansk men Donesk oblysynyń biraz bóligine resmı Kıevtiń bıligi júrmeıdi. Tórt jyldan beri másele sheshilgen joq. Osydan bir apta buryn «normand tórttigi» shıelenisken  jaǵdaıdy rettegisi kelgen. Biraq ashyǵyn aıtsaq, "Mınsk kelisiminiń" ózi qazirgi prezıdent Zelenskııge unap otyrǵan joq. Mınsk kelisimi boıynsha Donbass aımaǵy, atap aıtqanda Lýgansk men Donesk oblysyna  erekshe statýs berilýi qajet. Biraq munyń ózin resmı Kıev jaqtyra qoımaıdy. Qalaı aıtqanda da, Ýkraına eldiń shyǵysyndaǵy eki oblystyń biraz bóligin qaıtara almaıdy. Osyny túsingen bolýy kerek, Parıjden orala salysymen Zelenskıı Qaýipsizdik keńesiniń jıynyn ótkizgen.

–Jaǵdaıdy bulaı qaldyra berýge bolmaıdy. Biraq máseleniń sheshimin tabý kerek. Áli de soǵys. Adamdar ólip jatyr. Soǵys aımaǵy syzyǵyna jaǵalaı qabyrǵa turǵyzý–  eń sońǵy nusqa. Biraq bulaı etken jaǵdaıda biz Donbass aýmaǵynan aırylamyz. Bul tyǵyryqtan shyǵatyn jol emes. Eger qabyrǵa turǵyzatyn bolsaq, Lýgansk men Donesk múldem basqa memleketke aınalady. Sondyqtan eń aldymenonda ómir súrip jatqan adamdardyń kózqarasyn ózgertýimiz kerek. Olar ýkraındyqtan ekenin sezindirýimiz kerek, –dedi Vladımır Zelenskıı.

... Biraq qalaı?!