Ulttyq bank tóraǵasy Erbolat Dosaev áleýmettik mańyzy bar taýarlarǵa baǵanyń kóterilýi múmkin ekenin málimdedi dep jazady Qamshy.kz aqparat agenttigi. 

"Aǵymdaǵy jyldyń qarasha aıynda jyldyq ınflásıa biz kútken deńgeıden tómen bolyp, 5,4 paıyzdy qurady. Eń kóp úlesti azyq-túlik ónimderi alady, olar bir jyl ishinde 9,7 paıyzǵa ósti. Nan ónimderi men jarma ónimderiniń baǵasynyń 15,5% -ǵa, et jáne et ónimderiniń - 13,4% -ǵa jáne balyq pen teńiz ónimderiniń - 12,2% -ǵa ósýi erekshe nazar aýdartady", - dedi Erbolat Dosaev úkimettiń otyrysynda. 

Onyń aıtýynsha, azyq-túlikke jatpaıtyn taýarlar baǵasynyń ósýi, negizinen, gaz baǵasynyń 4,5 paıyzǵa tómendeýine baılanysty ótken jylǵy jeltoqsandaǵy 6,4 paıyzdan osy jyldyń qarashasynda 4,8 paıyzǵa deıin baıaýlady.

Inflásıanyń negizgi qaýipteri kiristerdiń ósýi men fıskaldyq yntalandyrý jaǵdaıynda ishki suranystyń keńeıýi bolyp qala beredi.

Qysqa merzimdi perspektıvada astyq daqyldarynyń, sondaı-aq sút ónimderiniń baǵasy EýrAzEQ aıasynda jańa talaptardyń engizilýine baılanysty azyq-túliktiń jekelegen túrleriniń, atap aıtqanda et pen nannyń qymbattaýy múmkin. Osy jyldyń sońyna deıin ınflásıa deńgeıi 5,5-5,7 paıyz deńgeıinde baǵalanady", - dedi Ulttyq bank tóraǵasy.