Bul óńirdegi kúnbaǵysty óńdeýge 100% múmkindik berip, jańa jumys oryndaryn ashyp, oblystaǵy maı daqyldarynyń túr-túrin kóbeıtýge septigin tıgizedi.
Semeıdegi maı ekstrasıalaý zaýytynyń qýattylyǵy kúnine 1000 tonna kúnbaǵysty óńdeýge jetedi.
Budan bólek Glýbokoe aýdanyndaǵy eki iri seh pen Shemonaıha aýdanyndaǵy qaıta óńdeý kásiporyny qoldanysqa berilmek. Bul Shyǵys Qazaqstandaǵy egin alqaptarynyń sapasyn qaıta qaraý kerektigin bildiredi. Aımaq basshysy Danıal Ahmetov oblystyq aýyl sharýashylyǵy basqarmasyna aýyl sharýashylyǵy ónimderin óndirýshilermen birlesip, qysqa ýaqyt ishinde maı daqyldarynyń egistik alqabyn arttyrýdyń josparyn jasaýdy tapsyrdy. Josparǵa kúnbaǵystan bólek, soıa, raps jáne zyǵyr syndy taǵy basqa daqyldar kirýi kerek. Maı daqyldarynyń mundaı túri Shyǵys Qazaqstanda kóbirek paıdalanylmaıdy. Biraq qolǵa alynyp jatqan sharalar kesheni óńirdegi maı daqyldaryn óńdeý isin oń jolǵa qoıady.
Búginde elimizde óndiriletin kúnbaǵys óniminiń 66% Shyǵys Qazaqstannyń úlesinde ekenin aıta ketken oryndy. Maı daqyldarynyń 23% quraıdy. Bul sandy arttyryp, maıdyń túrlerin shyǵarý óz qolymyzda. Salynyp jatqan kásiporyndar Altaı aımaǵynan eksportqa jaıyn ónimderdi shyǵarýǵa múmkindik beredi.
- Aýyl sharýashylyǵy ónimderiniń tıimdiligin arttyrý kerek, - dedi Danıal Ahmetov. - Soıa, júgeri syndy ónimderdiń alqabyn kóbeıtý qajet. 2025 jylǵa qaraı biz soıa alqabyn 7 ese, júgeri alqabyn 5 esege arttyrýdy josparlap otyrmyz.
Óńirde aýyl sharýashylyǵy ónimderin damytýdyń keshendi jospary júzege asyrylýda. Sondyqtan egis alqaptarynyń aýmaǵyn saýatty túrde bólip, zamanaýı óńdeý tehnologıasyn engizip, naryq talabyna saı keletin ónim shyǵarý kerek. Shyǵys Qazaqstandaǵy agroónerkásip kesheni joǵary potensıalǵa ıe. Ony ári qaraı damytýǵa bar kúshimizdi salý kerek.
Pikir qaldyrý