Bul memlekettik baǵdarlamalardyń jemisi. Soǵan baılanysty jyl saıyn júz myń sharshy metr jer paıdalanýǵa berilýde.
Aǵymdaǵy jyly "Jumyspen qamtýdyń jol kartasy-2020" baǵdarlamasy aıasynda 30 jylda birinshi ret Shyǵys Qazaqstandaǵy Katonqaraǵaı aýdanynda jeti kópqabatty turǵyn úı salynýda. Osy maqsatta 200 mıllıon teńgeden astam qarajat bólindi. Kópqabatty turǵyn úıdiń qurylysyna qajetti qarjynyń bóligin ınvestorlar jabady. Nátıjesinde kópbalaly otbasylardyń baspana máselesi sheshiledi. Kópqabatty turǵyn úılerdiń qurylysy jańa jumys ornyn ashýǵa, kópbalaly otbasylardyń baspanaly bolýyna múmkindik beredi. Aımaq basshysy Danıal Ahmetovtiń aıtýynsha, aǵymdaǵy jyl sońyna deıin Shyǵys Qazaqstan oblysyndaǵy 562 kópbalaly otbasy turǵyn úımen qamtamasyz etiledi.
Jalpy, óńirdegi turǵyn úı qurylysy jyl saıyn qarqyndy júrgizilýde. Merdigerlerdiń jumysyna baqylaý kúsheıtildi. Aǵymdaǵy jyly 77 úı qoldanysqa beriledi dep josparlanýda.Qurylys 118 aýmaqta júrgizilýde. Bul alty jarym myń páterdi quraıdy. Aldaǵy eki jylda 93 kópqabatty turǵyn úı salý josparlanyp otyr. Bıylǵy jáne kelesi jylǵy esepti ala otyryp, oblystyq bılik barlyq qarjy kózderin tartyp, bir mıllıon sharshy metr turǵyn úı salmaq. Mundaı kórsetkish elimiz táýelsizdik alǵaly beri SHQO-da bolmaǵan.
Kópqabatty turǵyn úı salýdan bólek, Óskemen men Semeıdegi ınjenerlik-kommýnaldyq jeliler tartylǵan aýmaqtarǵa da jeke qurylys salýǵa kóńil bólinýde. Osy maqsatta turǵyn úı kezeginde turǵan jandardy qoldaýǵa múmkindik jasalýda. Óńirdegi eki iri qalada "Birqabatty Shyǵys" jobasy júzege asyrylýda. Otbasy turǵyn úıdiń jobasyna qınalmaı, bılik ókilderi usynǵan birneshe jobanyń bireýin tańdaı alady. Bul turǵyn úı kezegin azaıtýǵa múmkindik beredi. Búginde óńirimizde jeke jáne kópqabatty turǵyn úıler salýǵa barlyq jaǵdaı jasalǵan.
Pikir qaldyrý