SHQO-da ıogýrttyń jańa túri óndirilip, jumsaq jáne qatty irimshik, sondaı-aq pisken sút ónimderinen dástúrli emes ónimder shyǵarylady. Bul kórshi óńirlerden ımporttalatyn ónimderdiń naryqtaǵy tapshylyǵyn joıýǵa múmkindik beredi.
Shyǵys Qazaqstandaǵy sút sharýashylyǵy sońǵy jyldary qarqyndy damýda. Sóıtip, elimizdegi sút taýarlaryn shyǵarý isi boıynsha kóshbasshy atanýǵa múmkindik berdi.
Bizdiń óndirýshilerdiń taýarlary Shyǵys Qazaqstanda ǵana emes, basqa óńirlerde de, Almaty men Nur-Sultanda satylymǵa shyǵarylyp, tutynýshylardyń kóńilinen shyqty. Sońǵy bes jyl ishinde halyqtan sút jınaý 17 esege artyp, tabıǵı ekvıvalent kórsetkishi 13 esege kóbeıdi. Mundaı kórsetkishke qol jetkizýge sút-taýarly salaǵa quıylǵan turaqty ınvestısıa septigin tıgizdi. Aldaǵy ýaqytta bul baǵyttaǵy jumystar jalǵasyn tabady. Aımaq basshysy Danıal Ahmetovtiń aıtýynsha, bıyl óńdeýmen aınalysatyn kásiporyndardyń 87% 153 myń tonna sút óńdeıdi dep josparlanyp otyr.
Aıta keteıik, bes jyl buryn jınaý 29% bolǵan.
Turǵyndarmen saýatty jumys júrgizilip, sút kooperatıvteri qurylyp, zamanaýı jáne klasıkalyq úlgidegi sút-taýarly fermalar qurylyp, joǵary tehnologıalyq quraldar engizilgen soń bul kórsetkish 3 esege artty. Búginde sútti mal ustaý tıimdi ekenin halyq uqty.
Júrgizilgen taldaýdyń nátıjesinde 22 mıllıard teńge halyqtyń qajettiligin jabýǵa jetpeıtini anyqtaldy. Óıtkeni dúken sóresinde jergilikti óndirýshilerdiń ónimderimen qatar kórshiles aımaqtar men Reseı Federasıasynan kelgen ónimder tolyp tur. Sondyqtan basty mindet ıogýrt pen irimshiktiń túrlerin óndirýdi arttyrýǵa ákep tireledi. Basqa ónimderdi ortasha eseppen 15 mıllıard teńgege. Bul úshin jyl saıyn qosymsha 228 myń tonna sút pǵn óńdeý isiniń kólemin eki jarym esege arttyrý kerek.
Kózdegen maqsatqa qol jetkizý úshin bes jyl buryn qolǵa alynǵan mindetti esten shyǵarmaý qajet. Sút-taýarly fermalardy salýǵa kóńil bólinýi kerek. Máselen, bıyl 2 STF (aldaǵy ýaqyttp 6 STF) salyndy. Josparǵa sáıkes 5 sút qabyldaý pýnktiniń 4-i ashyldy.
Shyǵys Qazaqstanda sútti baǵyttaǵy aýyl sharýashylyǵy salasyn damytý baǵdarlamasynyń kórsetkishi jaman emes. Óńir joǵary sapaly tabıǵı sút ónimderimen óńir turǵyndaryn ǵana emes, Qazaqstannyń ózge oblystaryn da qamtamasyz ete alady.
Pikir qaldyrý