Jýrnalıs Toqtar Jaqash Facebook paraqshasynda shetelge zańsyz qarý satyp ustaldy delingen adamnyń vıdeosyn jarıalap, jazba qaldyrdy.
"Sumdyq! Sumdyq! Sumdyq!
Bekbolat Tileýhan Sırıaǵa qarý satyp júr me? Myna vıdeoda qarý saýdasyna shatylǵan jigit quzyrly oryndardyń qolyna túsip, biraz qupıanyń betin ashty!
Reseı áskerı bólimshesinen satyp alǵan qarý-jaraq múmkin, Sırıaǵa ketip jatqan shyǵar? Depýtatymyz osyndaı bolsa, bolashaǵymyz tipti qorqynyshty eken! Eger, meniń otbasyma, bala-shaǵama, týǵan-týystaryma qastandyq jasalsa, oǵan tek osy vıdeo ǵana sebep bolýy múmkin!
Bul is Prezıdenttiń nazaryna alynýy tıis. Ulttyq qaýipsizdik qyzmeti, Qorǵanys mınıstrligi, shekara qyzmeti, Parlament spıkeri jáne basqa da quzyrly oryndardyń osy másele boıynsha jaýap berýin talap etemin!" jýrnalıs jazbasynda.
Jýrnalıs jarıalaǵan vıdeodan áldekimderdiń kólikte belgisiz er azamatqa suraq qoıyp otyrǵanyn kórýge bolady. Jaýap berýshi óziniń áskerı tehnıkalardy satatynyn aıtqan.
"Qarashada ulttyq qaýipsizdik komıtetinde isteıtin Erqanat Qusaınov degen adammen birgen bir is bastadyq. Ol Astanada departamentte isteıdi. Bárimiz aqsha salyp, áskerı tehnıka jabdyqtaryn alyp shyqtyń elden alyp shyǵyp, sattyq" dep bastalatyn áńgime arasynda májilis depýtaty Bekbolat Tileýhannyń da aty ataldy.
