Atyraý qalasynyń 22 jastaǵy turǵyny Instagram paraqshasynda teolog Ibn ál-Djavzıdiń ıdeıalaryn nasıhattaıtyn aýdıo jáne vıdeo materıal jarıalaǵany úshin jaýapqa tartyldy. Bul týraly polisnews.kz saıty habarlady. 

Dinı saraptamanyń qorytyndysyna sáıkes, jazbalardyń mazmunyn Qazaqstanda qoldanýǵa jáne taratýǵa tyıym salynǵany anyqtaldy. Osyǵan baılanysty jas jigit ákimshilik kodekstiń 453-babyn buzǵany úshin jaýapqa tartyldy. Keıinnen sot buıryǵymen oǵan 55 560 teńge aıyppul salyndy (20 AEK), al áleýmettik jelidegi paraqsha jabyldy.

Sonymen qatar, jaqynda Atyraýda taǵy tórt azamat ákimshilik kodekstiń osy baby boıynsha jaýapqa tartylǵan. Mysaly, olardyń bireýi Egıpette teologıalyq sıpattaǵy kúmándi oqý ornynda oqyp, keıin dástúrli emes ıslamnyń belgili ıdeologtarynyń ýaǵyzdaryn "VKontakte" paraqshasynda ornalastyra bastaǵan.