Saýalnama júrgen 5 kúnde saıtqa 5109 adamnyń daýsy tirkeldi. Onyń 4506-sy, ıaǵnı 88,2 paıyzy qarsy daýys berse, 603 adam (11.8%) baǵdarlamanyń kórsetilýin qoldaǵan.
Bul sıfrlar pikirterimniń osynsha adamdy qamtyǵanyn áste bildirmeıdi. Saýalnamany facebook jelisinde bólisý barysynda qoldanýshylardyń birazy pikirlerin saıtqa ótip, tıisti jaýap nusqasyn tańdaý arqyly emes, jarıalanǵan materıaldyń tómengi tusyna komment jazý arqyly bildirip jatqanyn baıqadyq.
Máselen, Qamshynyń facebook paraqshasyndaǵy jazba astyna 219 adam oıyn aıtyp, pikir jazǵan.
Ózge toptarǵa bólisilgen jazbalardaǵy pikirlerdiń qazirgi sáttegi jalpy sany – 3609. Olardyń basym bóligi qarsy daýys bergen.
Osylaısha, saýalnama nátıjesine saı qatysýshylardyń 90 paıyzǵa jýyǵy ulttyq arna efırinen Muhametjan Tazabektiń "Tálim Trend" baǵdarlamasynyń kórsetilýin qoldamady.
Pikir qaldyrý