Qyzylorda oblysy Aral aýdany Qamystybas aýylynan 35 shaqyrym jerdegi Qambash kólindegi muz jarylyp, sý túbine ketken 4 adamnyń denesi shyǵaryldy. Bul týraly tótenshe jaǵdaılar mınıstrligi habarlady.

8 jeltoqsanda Qambash kólindegi muz jarylyp, "ÝAZ" avtokóligi sý túbine ketken. Kólikte bolǵan 7 adamnyń 3-eýi óz betinshe sýdan shyǵa alǵan.

1985, 1981, 1994, 1973 jyldary týǵan qalǵan 4 adamdy qutqarýshylar izdep, qarańǵy túsýine baılanysty izdeýdi toqtatqan.

9 jeltoqsanda jalǵasqan izdeý jumystarynyń nátıjesinde 7 metr tereńdikten ÝAZ avtokóligi tabylǵan. 4 adam kólikten shyǵa almaı qalǵany belgili boldy.

Saǵat 10:05-te mınıstrliktiń qutqarý bóliminiń operatıvtik kúshteri 4 máıitti sý túbinen shyǵaryp, polısıa qyzmetkerlerine bergen.

İzdeý jumysyna tótenshe jaǵdaılar departamenti men polısıa departamenti jáne jergilikti atqarýshy organdardyń 27 qyzmetkeri men 7 tehnıkasy jumyldyrylǵan.