Qazaqstandyq kásipker Bolat Ótemuratovtyń aktıvterine shekteý sharalaryn qoldaný týraly aǵylshyn sotynyń buıryǵy alynyp tastaldy. Bul týraly "Vernyı Kapıtal" kompanıasy habarlady.

"Bolat Ótemuratov pen BTA bankiniń ókilderi arasyndaǵy kelissózder nátıjesinde qupıa kelisimge qol qoıyldy, oǵan sáıkes bank óziniń talap-aryzyn qaıtaryp alýǵa mindetteldi. Osy kelisim boıynsha aǵylshyn sotynyń Bolat Ótemuratovtyń aktıvterine shekteý sharalaryn qoldaný týraly buıryǵy alynyp tastaldy. Mańyzdy qujattardyń bir bóligi atalǵan kelisimge qol qoıylǵanǵa deıin usynyldy. Taraptar sondaı-aq BTA bankiniń óz aqshalaı qarajatyn qaıtarý jónindegi sharalardy iske asyrýda paıdaly bolýy múmkin kez kelgen derektermen almasý máselesi boıynsha yntymaqtasýǵa ýaǵdalasty" delingen "Vernyı kapıtal" habarlamasynda.

Esterińizge sala keteıik, 2015 jyly Muhtar Áblázov pen İlıas Hrapýnovqa BTA bankiniń talap aryzy qoıylǵan. Odan keıingi sottalýshylar tiziminiń keńeıýine sáıkes, onyń quramyna 2020 jyldyń qarashasynda Bolat Ótemuratov jáne onyń bıznes qurylymyna kiretin birqatar adamdar qosyldy.