Facebook jelisiniń Badıgúl Ospanbaeva esimdi qoldanýshysy Qytaı azamattary delingen birneshe adamnyń Almaty áýejaıyna kelgen vıdeosyn jarıalady.

Kadr syrtynda sóılep turǵan Badıgúl Ospanbava ulty qytaı jıyrma úsh Qytaı azamaty Qazaqstanǵa jumys isteý úshin shekaradan esh kedergisiz ótip kelgenin, al Qytaıda turatyn etnıkalyq qazaqtar Qazaqstanǵa kele almaı otyrǵanyn aıtady. Sózinshe, Qytaıdan keletin etnıkalyq qazaqtar áýejaıda eki-úsh kún júrýge májbir. Vıdeoda Qazaqstanǵa kire almaǵan týystaryn tosyp júr dep birneshe adam kórsetiledi.

Buǵan deıin Qamshy portaly 6 jeltoqsanda tańǵa jýyq Almaty halyqaralyq áýejaıyna qonǵan birneshe etnıkalyq qazaq (Qytaı azamaty) vızasynyń, PSR testtiń teris nátıjesi baryna qaramastan el aýmaǵyna kirgizilmeı, sebebi túsindirilmesten keri qaıtarylǵany habarlaǵan. Olar Qytaıdan tikeleı áýe reısi bolmaǵandyqtan, birneshe eldi basyp, sońynda Dýbaı arqyly Qazaqstanǵa jetken. Qamshy portalynyń kótergen bul is oń sheshimin taýyp, qandastarymyz elge oraldy. Artynsha Qamshy portalynyń jetekshisi Bilál Qýanysh osyǵan uqsas jaǵdaılardyń toqtamaı turǵanyn aıtyp, prezıdent Toqaevqa ashyq hat jazǵan.