Gazdyń jarylýy sebebinen bolǵan apatta ólim aýzynan aman qalǵan adam "keńistikten óz denesin kórgenin" aıtty. Bul týraly Londonda shyǵatyn Daily Express basylymy "bul ólimnen keıingi ómir me?" dep, zertteýshlirediń pikirin jazdy.

Zertteýshiler "men denemnen ýaqytsha shyǵyp kettim" degen adamnyń málimetterin jarıalady. Ózin tek Deıv dep tanystyrǵan adam óziniń bastan keshken oqıǵasyn "Ólimniń tájirıbesin zertteý qorymen" (NDERF) bólisti. Deıv 1976 jyly óziniń as úıinde gazdyń qashýynan baıqaýsyzda ýlanyp qalǵan kezde "deneden tys tájirıbe" bolǵanyn aıtty.

"Meniń esimde, sol kezde eń qorqynyshty oqıǵany bastan ótkerdim. Men jaǵdaıdy basqara almaıtynymdy jáne óletinimdi biletin qorqynysh boldy" degen ol esinde qalǵan kelesi is óz denesine bes fýt joǵarydan qarap turǵanyn aıtty.

Deıvtiń aıtýynsha, oǵan ýaqyt baıaýlap nemese maǵynasyn joǵaltqandaı bolǵan.

Ol "nanosekýnd ishinde nemese odan da kóp ýaqyt ishinde" bolǵanyn ajyrata almady.

Deıv súıispenshilik nemese kóterińki kóńil-kúı sıaqty kóterilgen emosıalardy sezbegen, kerisinshe onyń esinde "birjola" qalǵany belgisiz jarylys.

Sońynda, Deıv óziniń denesine oralǵanyn esine aldy jáne qorqynysh sezimi múldem joǵalyp ketkenin aıtty.

Deıv adamdardyń deneden tys jerde ómir súre alatynyna senetinin jetkizdi.

"Degenmen Deıvtiń tájirıbesi erekshe emes. Ólim aýzynda bolǵan kóptegen adamdar uqsas qubylystardy sıpattaıdy" dep jazdy basylym.

Bul ólimge jaqyn tájirıbe retinde belgili jáne kóbinese júrek toqtaýy nemese klınıkalyq ólimmen baılanysty.

Keıbir adamdar kóbinese qarańǵy týnel arqyly jaryqqa qaraı ushqanyn nemese qaıtys bolǵan jaqyndaryn kórgenin aıtady.

Taǵy bir jıi este qalatyny- tiri qalǵandarynyń óz deneleriniń joǵary jaǵynda qalqyp júrýi jáne aınalasyndaǵylardan gıper habardar bolýy.

Medısına ǵylymdary, degenmen, ne bolyp jatqanyn tabıǵattan tys zańdylyqpen túsindirmeıdi.

Jańa tanymal teorıaǵa sáıkes, bular qatty jaraqat alǵan sátte paıda bolatyn galúsınasıalar.

Galúsınasıa mıǵa otteginiń jetispeýshiliginen týyndaýy múmkin nemese mı jasýshalarynyń qurǵaýynyń janama áseri bolýy múmkin.

Taǵy bir teorıaǵa sáıkes, adamdar ólgende aǵzanyń "N, N-Dimethyltryptamine" psıhodelıalyq hımıkatyn jasaıtynyn boljaıdy.

Al, ataqty astrofızık Karl Sagannyń paıymdaýynsha, ondaı kezderde naýqastar týnel arqyly ótkendi eske túsiredi, al, bul "týý kanalynan" ótken kezdegi estelikter bolýy múmkin.

Bul teorıaǵa sáıkes, sábıler mundaı estelikterdi jekize almaıdy, sebebi olar jetkilikti damymaǵan. Degenmen, bul pikirmen basqa ǵalymdar kelispeıdi.

Al, Ońtústik Illınoıs ýnıversıtetiniń qyzmetkeri Karl B.Bekker jazǵan maqalada "Ǵylymı turǵydan alǵanda, sábıler Sagannyń teorıasynyń durys ekenin dáleldeı almaıdy" dep jazylǵan.