Ál-Farabı atyndaǵy Qazaq Ulttyq ýnıversıtetiniń https://www.kaznu.kz rektory, t.ǵ.d., akademık Ǵ.M. Mutanov sapaly adam kapıtaly «bilim qoǵamyn» qalyptastyrýdyń negizgi faktory ekenin atap ótip, ol úderiste joǵary oqý oryndarynyń mańyzdy ornyn aıqyndap berdi: «Bul úde­ris­te joǵary oqý oryndarynyń alatyn orny erekshe. Ýnıversıtetter ınovasıalyq ekonomıkany damytýda zor ról atqarady. Osy oraıda,

Elbasymyz «ja­ńa Qazaqstannyń bilim men ǵy­lymynyń forposy» dep ataǵan elimizdiń joǵary oqý oryndary­nyń qara shańyraǵy – ál-Farabı atyndaǵy Qazaq ulttyq ýnıver­sıteti de El muratyna jetýge qosar úlesterine úlken jaýapkershilikpen qaraıdy. Bilim ordasy ǵylymı dástúr sabaqtastyǵyn úzbeı, shyǵarmashylyq órisin jyldan-jylǵa keńeıtip keledi. Alǵa qoıyp otyrǵan álemdik deńgeıdegi maqsattary da aýqym­dy», - dep kórsetti.

Qara  shańyraqqa  aınalǵan  ulttyq ýnıversıtetimiz eń birinshi bolyp oqý júıesine kredıttik tehnologıada bilim berýdi tolyǵymen engizgenin aıryqsha atap ótken jón. Halyqaralyq sapaǵa laıyq etip mamandardy daıyndaýda bul kóptegen damyǵan elderde qoldanylatyn tehnologıanyń bizdiń elde, QazUÝ-da tolyǵymen engizý máselesi kúrdeli úrdis boldy.  Eń basty artyqshylyǵy kredıttik tehnologıaǵa saı oqý baǵdarlamalaryn, standarttar men ıntranet júıesin, pedagog-kadrlardy jańashyldyqqa úıretý máseleleri keshendi túrde tez arada qolǵa alyndy.

      Kıeli qara shańyraq astynda ǵylymı-zertteý baǵytynda mańyzy bar, aýqymdy  is-sharalar júzege asyrylyp jatyr. Osy oraıda, halyqaralyq ǵylymı ınstıtýttar men ortalyqtarmen  tyǵyz baılanys ornatyp, tájirıbe almasý máselesi qarqyndy damyp jatqanyn eskergen jón. Oqytýshylar men stýdentter tájirıbe almasý maqsatynda shetelderge barýǵa, oqýǵa múmkindikter aldy.   QazUÝ qabyrǵasynda jańa  júıedegi  ǵylymı-zertteý ınstıtýttary men ortalyqtar, búgingi talapqa saı jabdyqtalǵan ǵylymı zerthanalar jumysy iske qosyldy.

Sonymen qatar ýnıversıtet jastarynyń bilim alý barysynda tek otandyq ǵalymdarymyzdyń dáristerin tyńdatýmen ǵana shektelmeı, sheteldiń bedeli joǵary, tanymal ǵalymdaryn arnaıy dáris oqytýǵa shaqyryp, jıi tájirıbe almastyrýǵa den qoıyp otyr. QazUÝ tájirıbe almasý, yntymaqtastyqty damytý jáne stýdentter men oqytýshylar utqyrlyǵyn damytyp, eki jaqty almasyp oqytýda, sonymen birge zamanaýı halyqaralyq bilim baǵ­darlamalary boıynsha álemniń eń iri 400-den asa ýnıver­sıte­timen áriptestik ornatqan.   

Bul joǵary oqý ornynyń bilim men ǵylym damýyna qosyp otyr­ǵan úlesin bedeldi halyqaralyq uıymdar da atap kórsetýde. Ál-Farabı atyndaǵy Qazaq ulttyq ýnıversıteti QS top-ýnıversıtetter reıtın­gisinde álemdik 200 top ýnıversıtet arasynda 165-shi oryndy ıelendi. Bul satyny baǵyndyrýy bizdi odan ári jigerlendirip, qanattandyrady.

Ál-Farabı atyndaǵy Qazaq ulttyq ýnıversıteti ǵylym, bilim berý men ınno­va­sıanyń ortalyǵy retinde jańa tehnologıalar men ınovasıalyq ádis-tásilderdi aldaǵy ýaqytta da joǵary deńgeıde engizip, qalyptasqan Qazaqstan Respýblıkasynyń damýyna aıtarlyqtaı ózindik úles qosyp, eń úzdik, álemdik deńgeıdegi ýnıversıtetter qatarynan oryn alatyny anyq.

Ál-Farabı atyndaǵy Qazaq ulttyq ýnıversıteti

Joǵary oqý ornyna deıingi bilim berý fakúlteti

Joǵary oqý ornyna deıingi daıyndyq kafedrasynyń

oqytýshylary Ibragımova M.N., Mýjıgova G., Nýsýpbaeva S.A.