Almaty oblysynyń Konaev qalasy sońǵy jyldary qarqyndy damýda. Qala ákimi Asqat Berdihanovtyń aıtýynsha, ınfraqurylymdy jetildirý – turǵyndardyń turmys sapasyn arttyrýdaǵy basty mindetterdiń biri.

Úsh jyl ishinde qalada ınjenerlik jelilerdi jańartý jumystary belsendi júrgizildi. Jalpy 106 shaqyrym sý, káriz, elektr jáne gaz jelileri qaıta jóndeldi. Sonymen qatar, 19 shaqyrym avtokólik joly jańartyp, kólik ınfraqurylymy aıtarlyqtaı jaqsardy, bul ekonomıkalyq múmkindikterdi keńeıtýge yqpal etti.

Qaladaǵy 16,1 shaqyrym elektr jelileri tolyq jańartylyp, eski podstansıalar zamanaýı qurylǵylarmen aýystyryldy. Bul elektrmen jabdyqtaýdy turaqtandyryp, energıa úzdiksiz berilýin qamtamasyz etti.

Sýmen jabdyqtaý men káriz júıeleri de jańartylýda. Qalada jalpy quny 1,9 trıllıon teńgeden asatyn 80-ge jýyq ınfraqurylymdyq nysan salynyp jatyr. Olardyń ishinde 11 kárizdik stansıasy qalpyna keltirilýde. Osy jumystar turǵyndardyń sanıtarlyq-gıgıenalyq jaǵdaıyn jaqsartyp, ekologıalyq ahýaldy ońaltady dep kútilýde.

Infraqurylymdy jańartý jobalary Konaevqa ınvestorlardy tartýǵa múmkindik berýde. Qalada jańa óndiristik jáne turǵyn úı aımaqtary paıda bolyp, jańa jumys oryndary ashylýda, bul ekonomıkalyq damýdyń jańa deńgeıine jetýge jol ashady.

Qala ákiminiń aıtýynsha, ınjenerlik jelilerdiń jańartylýy arqyly Konaev turǵyndaryna sapaly qyzmetter kórsetilip, qala turaqty damýdyń jańa kezeńine ótýde.