Ustaz ómir boıy shákirt boıynan jaqsy qasıetterdi izdeıdi jáne soǵan jeteleıdi. Sol isinen ózine rahat tabady, ustazdyq sonysymen qundy kásip. Biz sony maqtan tutamyz. Ult rýhanıatyn dáripteıtin, onyń qadirin biler shákirt tárbıeleý – bizderge paryz. Biliktilik – izdenýmen, erinbeıtin úlken eńbekpen keletin tájirıbelerdiń nátıjesi. Osynyń dáleli retinde aıtarymyz – Ál-Farabı atyndaǵy QazUÝ-dyń https://www.kaznu.kz daıyndyq kafedrasynda dáristen tys halqymyzdyń ulttyq rýhanıatyn eseleýge, ony nasıhattaýǵa arnalǵan is-sharalar dástúrli túrde ótip keledi.
Jastardyń rýhanı damýyna, adamgershilik izgi qasıetterdi boıyna qalyptastyrýda bul sharalar óte paıdaly, ózderiniń boıyndaǵy qabiletterin ashýda, kópshilik ortada ózin jaqsy jaǵynan úlgi retinde kórsete bilýde,qoǵamdyq sharalardy uıymdastyra bilý sıaqty ár túrli qyrynan tanylady. Qyzyqty saıystar, bilim básekeleri, óner festıváldary jyl saıynǵy dástúrli merekelerge aınalǵan.
Kafedradaǵy «Shamshyraq», «Jas tarıhshy», «Temirqazyq», «Ólketaný», «Jaýqazyn», «Tiltanym»,t.b. úıirmeler mańyzdy is-sharalar atqarýda. Barlyǵy jas jetkinshekterge týǵan eldiń mádenıetin tanystyrý, halqymyzdyń qundy rýhanıatyn qurmetteý, tanymal tulǵalardyń ómiri men eńbekterin úlgi etý, ǵylym-bilimin sapaly ıgertý maqsatynda josparly ister atqarýda. Ótken jyldan beri jer álemdi jaılaǵan indettiń kesirinen osy sharalardyń júzege asýy onlaın formatta ótip jatyr. Qalaı bolsa da, bolashaqqa degen zor qushtarlyǵy bar jastar, óz talaptaryn jaqsy jaǵynan kórsetýge tyrysady. Bıyl da sondaı jastardyń baryn baıqadyq. Ásirese, – «Shamshyraq» klýbynda oıy ushqyr, bolashaqqa nyq senimdi qyz-jigitter jınalǵan. Bul klýbtyń maqsaty – talantty jastardy shyǵarmashylyqqa baýlý, ádebı-mádenı baǵyttaǵy bilimderin kóterý, halqymyzdyń rýhanı qundylyqtaryn nasıhattaý.
Aqyn-jazýshylarmen qyzyqty keshter uıymdastyrý, syr-suhbat ótkizý, jataqhanada ózara ár túrli taqyryptarda pikirtalastar uıymdastyrý sharalary ótkiziletin edi. Klýb músheleri – ádebıet pen óner salasyn tańdaǵan jastar, olardyń quramynda burynǵy túlekter de bar. Olar ár túrli oqý oryndarynda oqyp júrgen, keıbiri oqýlaryn bitirip elge qyzmet etip júr. Kezdesýlerge kelip ózderiniń osy joldan qalaı ótkenin, búgingi jetistikterine qalaı jetkenderin ini-qaryndastaryna aqyl-keńesterin aıtady, shyǵarmashylyq baılanys ornatady. Osy sharalar bıyl shamaly shektelip tur.
Degenmen, kafedrada negizinen shetelden kelgen qazaq balalary oqyǵandyqtan qoǵamdyq ortaǵa beıimdeý, ózin erkin seziný, shyǵarmashylyq qoldaý kórsetý bizdiń basty nazarymyzda. Sondaı baǵytta bıylǵy shákirtterimiz de klýb aıasynda aýqymdy ister atqarýda. Solardyń biri - uly Abaı babamyzdyń mereıtoıyna arnalǵan dáris. Onda aqynnyń ómiri, shyǵarmalary týraly bilip qana qoımaı,shákirtter Abaıdyń qara sózderiniń fılosofıalyq mánine taldaý jasap, poemalarynyń da mańyzyn ortaǵa saldy. Tyń derektermen tanystyryp, Abaıdyń keıingi jyldary tabylǵan qoljazbalary týraly aqparat berildi.
Sondaı-aq, klýb aıasynda qazaq halqynyń aıtýly tulǵalary A.Baıtursynuly, M.Dýlatov, M.Jumabaev, Sh,Qudaıberdiuly syndy qaıratkerlerdiń ómiri men shyǵarmashylyǵy, qoǵamdyq qyzmetteri týraly aıtylyp, onlaın-dárister ótkizilip keledi. Sheteldik qandastarymyz bul avtorlar týraly tolyq bilmeıtini, olardyń shyǵarmalaryn oqymaǵandary belgili. Osy klýbtyń sharalary arqyly, kóptegen tarıhı-mádenı mańyzdy máselelerdi bilip, ózderine bolashaqta qajet bilim retinde sanalaryna sińirgenderi aqıqat. Endi belgili azamattarmen de onlaın-suhbattar uıymdastyrýdy qolǵa almaqshymyz.
El rýhanıatyn eselýde elýli úles qosyp, talantty shákirtterdi jyl saıyn joǵary oqý oryndaryna ushyryp otyrǵan ustazdar qaýymy ár túrli minbeler men qoǵamnyń ár salalarynda óz shákirtterin kórip qýanyp jatamyz.
JOO deıingi daıyndyq kafedrasynyń aǵa oqytýshylary: J.S.Ádilhanova,
G.M. Mýjıgova
