Búgin Almatydaǵy Shoqan Ýálıhanov atyndaǵy alańda Demokratıalyq partıa bastamashyl toby men onyń jaqtastarynyń Qazaqstanda Qytaı zaýyttarynyń salynýyna qarsy mıtıńi ótti. Qamshy tilshisi oqıǵa ornynan fotoreportaj daıyndady.

Mıtıń bastalmaı turyp 10-ǵa jýyq adamdy avtozagqa salyp alyp ketti. Olarǵa kedergi jasamaq bolǵan belsendiler Janbolat Mamaı, Abzal Dostıarovty polıseıler ıterip, kólik júrip ketti.

Mıtıńke shyqqandar "Qytaı elshisi elshi me, jaýshy ma?", "Úkimet Qazaqstandy saýdaǵa salmaq", "Qytaı ekspansıasyna jol joq", "Qytaı, jerimizge kóz salma", "Jerińdi qorǵamasań, "jer" bolasyń", "Qytaı ekspansıasy táýelsizdikten aıyrý", "Jer satylmaıdy, jalǵa berilmeıdi", "Sańyraý prezıdent kerek emes", "Ultaraqtaı bolsa da, ataqonys jer qymbat", "Nazarbaev – alaıaq, dıktator, zalym, ury, jemqor, qanisher" degen jazýdaǵy plakattar ustap shyqty.

Mıtıń kezinde bir qarıanyń murny qanap, esinen tanyp qaldy. Belsendiler qarıanyń qulaýyn "densaýlyǵynyń syr berýimen" túsindirdi.