Sot Qazaqstanda qyzmetin toqtatý týraly sheshim shyǵarǵan "Iandeks.Taksı" servısniń qyzmeti buǵattala ma? Bul suraqqa Iandeks Go kompanıasynyń ókilderi jaýap berdi, dep jazady Kapital.kz saıty.

Servıs ókilderiniń málimetinshe, taksı qyzmeti burynǵysha isteı beredi, servıs buǵattalmaıdy. Kompanıa aldaǵy ýaqytta sot sheshimine baılanysty appelásıalyq shaǵym túsirmek.

Buǵan deıin "Iandeks. Taksı" men "G-Taxi" qyzmetiniń arasynda tapsyrys resimdeletin aqparattyq júıeni paıdalaný patentine baılanysty daý shyǵyp, is sotqa deıin jetken. Almaty mamandandyrylǵan aýdanaralyq ekonomıkalyq soty "Iandeks.Taksı" tapsyrys berý júıesin qoldanǵan kezde patenttik quqyqty buzǵany úshin isti shaǵymdanýshy "G-Taxi" qyzmetiniń paıdasyna sheshken. Ol boıynsha servıs qyzmeti Qazaqtan aýmaǵynda toqtatylatyn bolǵan. Alaıda sot sheshimi kúshine enbegen.