AQSH prezıdenti Talıbanǵa "joıqyn kúshpen" soqqy beretinin aıtty. Baıden mundaı "joıqyn" soqqy úshin tótenshe jaǵdaı josparyn jasaǵanyn málimdedi.

Tálipter Aýǵanstan astanasy Kabýldy baqylaýǵa alǵan soń, qala áýejaıynda haos ornady. Haos kezinde jeti adam qaza tapqan. Aýǵanstandaǵy myńdaǵan AQSH azamaty jáne amerıkalyqtarmen jumys istegen aýǵandardy evakýasıalaý úshin AQSH prezıdenti Djo Baıden Kabýlda teńiz armıasy men qarýly kúshterdi 5 000-ǵa kóbeıtýdi tapsyrdy. Sonymen qatar odaqtas aýǵandar úshin arnaıy vıza bolatynyn aıtty.

– Amerıkalyq áskerler bul mısıany kásibı jáne tıimdi oryndaýda, biraq táýekel je joq emes. Biz evakýasıalaý operasıasyn júzege asyra otyryp, Talıbanǵa "eger bizdiń qyzmetkerlerge shabýyl jasasa nemese operasıamyzdy buzsa", AQSH reaksıasy jyldam ári kúshti bolatynyn túsindirdik, – dedi Baıden.

AQSH prezıdenti qajet bolǵan jaǵdaıda óz halqyn qorǵaý úshin joıqyn kúshpen soqqy jasaıtynyn da aıtty.