Memleket basshysynyń jarlyǵymen Aslan Esbolaıuly Mýsın basqa jumysqa aýysýyna baılanysty Respýblıkalyq búdjettiń atqarylýyn baqylaý jónindegi esep komıtetiniń tóraǵasy qyzmetinen bosatyldy dep habarlaıdy Akorda.kz. Esterińizde bolsa "Jańa ózen" oqıǵasymen ile-shala nazarǵa ilikken Rysqlıevter isi eldi biraz dúrliktirgen edi. Olardyń tizgin ustary retinde Aslannyń aty atalǵan. Endi sol Mýsınniń ózi de múldem ketken kórinedi..

Aslan Mýsınniń bıografıasy: 

1954 jylǵy 2 qańtarda Aqtóbe oblysy Alǵa aýdany Bestamaq aýylynda dúnıege kelgen.

Úılengen, úsh balasy bar.

1975 jyly Almaty halyq sharýashylyǵy ınstıtýtyn ekonomıs mamandyǵy boıynsha bitirdi.

Eńbek jolyn 1975 jyly Aqtóbe oblysynyń statısıka basqarmasynda bastady.

1976-1977 jyldary Keńes armıasy qatarynda azamattyq boryshyn ótedi.

1977 jylǵy mamyr-1979 jylǵy qańtar aralyǵynda Aqtóbe oblysynyń statısıka basqarmasynda qyzmetin jalǵastyrdy.

1979-1991 jyldary Aqtóbe oblystyq partıa komıtetinde nusqaýshydan hatshyǵa deıingi laýazymdardy atqardy.

1991-1993 jyldary – Qazaqstan Respýblıkasy Monopolıaǵa qarsy kúres memlekettik komıtetiniń Aqtóbe oblysy boıynsha tóraǵasy.

1993 jylǵy maýsym - 1994 jylǵy jeltoqsan aılary aralyǵynda – Aqtóbe oblysy ákimshiligi basshysynyń orynbasary, birinshi orynbasary – oblystyq ekonomıka basqarmasynyń bastyǵy.

1994 jylǵy jeltoqsan - 1995 jylǵy qyrkúıek aralyǵynda – Aqtóbe oblystyq ekonomıka basqarmasynyń bastyǵy.

1995 jylǵy qyrkúıek - 2002 jylǵy sáýir aralyǵynda – Aqtóbe oblysynyń ákimi.

2002 jylǵy sáýir - 2006 jylǵy qazan aralyǵynda – Atyraý oblysynyń ákimi.

2006 jylǵy 4 qazannan bastap Qazaqstan Respýblıkasy Ekonomıka jáne búdjettik josparlaý mınıstri bolyp taǵaıyndaldy. 2007 jylǵy 10 qańtardan bastap osy laýazymdy Qazaqstan Respýblıkasy Úkimetiniń vıse-premeri laýazymymen qosa atqardy.

2007 jylǵy 18 tamyzda kezekten tys saılaýda «Nur Otan» Halyqtyq Demokratıalyq partıasynan Qazaqstan Respýblıkasy Parlamenti Májilisiniń depýtaty bolyp saılandy.

2007 jylǵy 2 qyrkúıek - 2008 jylǵy 13 qazan aralyǵynda – Qazaqstan Respýblıkasy Parlamenti Májilisiniń Tóraǵasy.

2008 jylǵy 13 qazannan bastap Qazaqstan Respýblıkasy Prezıdenti Ákimshiliginiń Basshysy. 2009 jylǵy 15 mamyrdan bastap «Nur Otan» HDP Saıası keńesiniń jáne búrosynyń múshesi.

2012 jylǵy 21 qyrkúıekten bastap Respýblıkalyq búdjettiń atqarylýyn baqylaý jónindegi esep komıtetiniń Tóraǵasy.

«Qurmet»  (1999 ), III dárejeli «Barys» (2004), II dárejeli «Barys» (2010) ordenderimen, mereıtoılyq jáne estelik medaldarymen, sondaı-aq «Halyqtar dostyǵy» ordenimen (RF, 2004) marapattalǵan.